أحمد فتحي: «السقا» أيقونة الجدعنة.. وبحب أسمع الكينج وفيروز

قال النجم أحمد فتحي ساخرا ان علاقته بالسوشيال ميديا زي علاقتي باللغة الصينية ما فيش اي علاقة ولا يوجد حد بيدير السوشيال ميديا لدي.
وتابع فتحي خلال أثناء ظهوره ضيفا مع الاعلامي شريف الليثي ببرنامج " حوار اون لاين" بإذاعة الشرق الاوسط، "لو عملت صفحة علي السوشيال ميديا ستكون باسم زحلف، وان تكون الصورة لزحلفة عشان بحب الراحة والانتخة".
وأضاف فتحي ان من اقرب اصدقائه بيومي فؤاد وشيكو وهشام ماجد ومعتز التوني واحمد الجندي.
ووجه رسائل الي بعض النجوم بان "ابو الرجولة "هو الفنان احمد السقا وهو ايقونة الجدعنة ، اما كوميديان زمان هو "بيومي فؤاد " ، وان محمد ثروت نطلق عليه " افورت السنين " ، "وانا لقب زعنفة السينما " احمد فتحي" ومن ايام الكلية كنت اقابل اي حد اساله بتحب الحصان ومش عارف ليه بقول كده، ودائما بتكون ليا "لزمة " في حياتي، وان لقب نمبر وان ده لقب نسبي وان افضل نجم في تاريخ السينما هو " أحمد زكي" وافضل ممثلة " فاتن حمامة" وافضل مطرب " محمد منير " وافضل مطربة " فيروز" علي الرغم من ان ملامحي مش بتقول كده.
وأضاف فتحي أنه زملكاوي وعشان كده مش بيتابع كورة، واحسن لاعب " الخطيب ، حازم امام ، شيكابلا " .
وفي رده علي سؤال عملت كام بلوك في حياتك اجاب بان اي حد يتطفل عليا ويدخل بالعافية في حياتي اعمل بلوك فورا.
وعن الترندات اجاب مش متابع الا لو حد قالي ، واكثر شىء افكر فيه هو التمثيل واسعاد الناس.
يذاع برنامج " حوار اون لاين" في الساعة 5:10 قبل الافطار يوميا باذاعة الشرق الاوسط ويعاد في الساعة العاشرة صباح اليوم التالي.
اقرأ أيضا | نسل الأغراب ينافس لعبة نيوتن.. في أولى جولات «كأس إنرجي للدراما»