آخرها «حاشر دماغك ليه؟».. محمد رمضان يواصل الرد على «عمرو أديب»

واصل الفنان محمد رمضان توجيه رسائله للإعلامي عمرو أديب بعد أن هاجمه الأخير وانتقده، بسبب استفزاز مشاعر المواطنين بمقطع فيديو يلقي فيه دولارات، وذلك بعد قرار المحكمة الاقتصادية بإلزامه بتعويض الطيار الموقوف أشرف أبو اليسر ب6 ملايين جنيه.
ونشر محمد رمصان، مقطع فيديو جديد لأحد مشاهده في مسلسل "نسر الصعيد"، برفقة الفنانة عائشة بن أحمد، وقام رمضان بصفع أحد الأشخاص على وجهه قائلًا: "أنت حاشر دماغك ليه"، حيث وضع على مقطع الفيديو رسالة الإعلامي عمرو أديب.
View this post on Instagram
A post shared by Mohamed Ramadan (@mohamedramadanws)
وكان محمد رمضان قد نشر فيديو أمس وهو يرفض ما قاله عمرو أديب عنه، وسخر من هذا الأمر عن طريق الاستعانة بجملة ذكرها عمرو أديب في برنامجه وهي: "يا محمد احنا اللي كنا فاكرينه موسى طلع فرعون"، وألحق بها رمضان جملة من مسلسل "الأسطورة" والتي كان يقول فيها لأحد الأشخاص "بس يا بابا".
وكان الإعلامي عمرو أديب، قد شن هجومًا عنيفًا على الفنان محمد رمضان، بسبب استفزازه لمشاعر المواطنين بمقطع فيديو يرمي فيه دولارات بعد قرار المحكمة الاقتصادية بإلزامه بتعويض الطيار الموقوف أشرف أبو اليسر ب6 ملايين جنيه.
وأضاف "اديب" خلال برنامج "الحكاية" المذاع على قناة "mbc مصر"، اليوم الجمعة: "المرة دي الناس مش مستحملاك وأنت في بلد الناس ظروفه صعبة.. وعلى فكرة مش أنت بس اللي معاك فلوس فيه ناس معاها قدك 100 مرة ومش بتعمل زيك.. واللي ادهالك قادر يسحبها منك في ثانية وكل ده يضيع، ليه استفزاز الناس وتكرّه الناس فيك؟.. ده أنت داخل على شغل ورمضان".
وتابع: " يا محمد يا رمضان لو أنت الفلوس متهمكش كنت أتبرع بيها أو إديها للطيار اللي عملتله مصيبة"، مضيفا: "أنت مش شايف أنك بقالك فترة بتبقى تريند إزاي؟ الناس اللي أنت استفزتها هم اللي عملوك لأن جزء منك سوشيال ميديا".
واستطرد: "يا ابني اهدى وارجع لعقلك وبلاش غرور ناس كتير أكبر منك وضاعوا في ثواني، ليه الاستفزاز والفلوس اللي أنت بترميها اللي هي مش حقيقية بيطلع عينين ناس تانية علشان توفرها؟.. لسه قدامك وقت ترجع تاني محمد بتاع الناس والغلابة والشعب ولكن لو ناوي تكمل كده أبشر، ومصر كلها وقفت على رجل تقديرًا لخالد النبوي لما عرفت أنه تعب لأنها كلها بتحبه وبتقدر قيمته وتصرفاته".