للاختصاص الرقمي.. إحالة محاكمة تامر أمين بتهمة إهانة الصعيد لدائرة أخرى

قررت محكمة جنح مدينة نصر، إحالة محاكمة الإعلامي تامر أمين بتهمة سب وقذف الشعب المصري وإهانته لأهل الصعيد لدائرة أخرى لنظرها للاختصاص الرقمي.
كان الإعلامي تامر أمين، قد اعتذر عن إهانته لأهالي الصعيد في برنامجه، وقال في فيديو: «أقدم اعتذار واضح وصريح لا لبس فيه لكل أهالينا فى الصعيد وفي كل مكان بمصر، اللي زعلانين مني، أنا لا هكابر ولا هآوح، أنا من الناس اللي بتعتذر لما تحس إن الناس زعلانة منها، حتى لو كانت نيتي يعلم بيها ربنا نيتي خير وكان الهدف هو المصلحة العامة».
اقرأ ايضا | اليوم أولى جلسات محاكمة تامر أمين بتهمة إهانة «أهل الصعيد»
وأضاف تامر أمين: «أنا أكتر حاجة تضايقني في الدنيا إن واحد صعيدي بس أو واحدة صعيدية بس يزعلوا مني، وأنا من أكتر المؤمنين بالصعيد واحترام الصعيد وعزة نفس الصعيد وكرامة الصعيد وأصل الصعيد، صعيد مصر هما أصل مصر اللى طلعولنا الناس المفكرين والأدباء والناس الشريفة المحترمة».
وتابع تامر أمين: «والله ما قصدتش الإهانة أبدًا، ودى آخر حاجة تيي على دماغي، وآخر حاجة في الدنيا إن يبقى حد صعيدى زعلان مني، فأنا بقول لكل صعيدى وصعيدية جزمتكم على راسي من فوق، وأنا ابنكم وأنا ابن ريف مصر، ونسايبي أساسًا من الصعيد ومرات أخويا من الصعيد وبتشرف بيها وبالنسب ده»