رسالة من أفشة للمتنمرين .. ويعلن موقفه من واقعة شيكابالا

هاجم نجم النادي الاهلي محمد مجدي أفشة المتنمرين على مواصل التواصل الاجتماعي.
وقال أفشة " أنا ضد ده تماماً .. ومش فاهم سواء أنا لعبت حلو أو وحش ؟ إنت إستفدت إيه لما قلتلي أمك وابوك ؟ مش دورك تقيم لاعب فيه مدير فني هوا اللي بيدير.
أفشة: كرة «زيزو» الأصعب في مباراة القمة
وواصل في لقاء خاص عبر برنامج " كلمة أخيرة " الذي تقدمه الاعلامية لميس الحديدي على شاشة " ON"قائلاً:" انا بزعل من بعض المحللين على القنوات الي بيهاجموا وهما مش مدربين أصلاً .. هما ناس كبار وعلى دماغي وأنا اصغر منهم بس مش من حقكم تقولوا اللاعب ده ماينفعش هنا أو هنا .
وأضاف أن النقد يكون في الطبيعي وفيه نقد بيوجع ومؤلم وإحنا لينا أهل بيتفرجوا على المحللين لو إتكلموا عليا كويس هينبسطوا ولو إنتقددوني بشكل منطقي وعلمي محدش هيزعل لكن لو بقيتوا أوفر وتعديتوا الحدود أهلي وقرايبي هيزعلوا أكيد ".
وواصل :" اللي ينتقدني بشكل كويس هتعلم منه لو إنتقدت بشكل كويس هسمعك وهاخد برأيك لو غير كده مش هسمع ".
ووجه رسالته لبعض المتعصبين بين جماهير الاهلي والزمالك حول شيكابلا قائلاً :" أتمنى مايحصلش لاني مش بحب الحاجات دي أصلاً إلي فيها إساءة للاهل والام ".