فيديو| 9.5 مليون جنيه تشعل حرب التصريحات بين محمد رمضان وأشرف أبو اليسر

رد النجم محمد رمضان على الفيديو الذي نشره الطيار أشرف أبو اليسر الموقوف مدى الحياة عن الطيران، بسبب واقعة دخول الفنان محمد رمضان قمرة قيادة الطائرة.
وقال رمضان - في مقطع فيديو عبر صفحته على "فيسبوك": "جمهوري الغالي شعب مصر الحبيب.. لكل متابعي أزمة الكابتن الطيار أشرف أبو اليسر.. أنا زي ما وعدت عمري ما هتخلى عنه.. أول أمبارح الحمد لله كلمت صديق ليا مدير شركة للطيران الخاص وحكيت له الموضوع، وقالي إن شاء الله خلال أسبوع يكون اشتغل ورجع لمهنته".
وتابع رمضان: "كلمت الأستاذ سعيد إمام مدير روتانا، وقولتله يتواصل مع الكابتن أشرف، يقوله محمد رمضان ينتظر ال CV، علشان كلمت شركة خاصة، وكان رده إنه مش هيبعت ال CV.. فده الحل من وجهة نظري.. طبعا ده اللي كنت أقدر أعمله.. ولكن الكابتن أشرف بعت المحامى الخاص به، وقعد مع مدير الحسابات الخاص بيا، وكان اللي يعوضه ويرضيه.. فحسب حسبة كان باقي له 3 سنين ويطلع على المعاش بالإضافة لمكافأة نهاية الخدمة، وبالإضافة للمعاش وشوية حاجات.. جمعهم وقالي إنه محتاج 9 ونص مليون جنيه.. فأنا سايب الحكم للي بيعلقوا وبيقولوا محمد رمضان تخلى عن الراجل.. لو أنتوا شايفين إن ده يرضى ربنا أنا هعمله عادي جدا.. أنا سايبلكوا الرد"
«لو عنده حاجة يطلعها»
من جهته رد كابتن أشرف أبو اليسر، إنه لم يطلب أي مبالغ مالية من محمد رمضان ، قائلا: أنا لم أطلب منه شيئا ولا مليما ولو حد عنده حاجة تثبت دا يطلعها.
وأضاف – في مداخلة لبرنامج «90 دقيقة» مع الإعلامي محمد الباز - أنه تلقى مكالمة هاتفية من أحد أصدقاء محمد رمضان يسمى سعيد إمام، وعرض عليه خلال المكالمة أن يتقدم للعمل في إحدى شركات الطيران ورفض على الفور.
وأكمل قائلا: الفنان وصاحبه نسيا أنني موقوف عن العمل مدى الحياة ولا يحق لي العمل في أي شركة أخرى.
واختتم حديثه: ياريت الكلام دا يوصل لمحمد رمضان.