تامر حسني يعلن موعد طرح كليب «ناسيني ليه»

أعلن المطرب تامر حسني، موعد طرح كليبه الجديد "ناسيني ليه" من ألبومه الأخير "عيش بشوقك"، وهي من إخراج اللبناني سعيد الماروق، ومن كلمات تامر حسين، وألحان تامر علي، وتوزيع وسام عبد المنعم.

وأكد تامر حسني عبر صفحته ب"الفيسبوك" أن الكليب سيتم طرحه الجمعة 14 فبراير، كما وجه رسالة لجمهوره في عيد الحب قائلا: "مفيش قصة حب خالية من الصعوبات بس القوة الحقيقيه في الحب إنكم تعرفوا إزاي تتعاملوا مع الصعوبات عشان تحافظوا على اللي بينكم..
اسباب الفراق كتير.. في اللي مصبرش على حبيبه.. في اللي مصانش الحب.. في اللي إختار غلط.. في اللي ساب غصب عنه بسبب الظروف القهريه".

وتابع: "في النهايه الوجع والندم واحد والأصعب لما تفوق في وقت و يكون فات الأوان بتفضل شايف ذكرياتكم في كل مكان تروحه وخصوصاً اماكنكم المعتاده.. وقمة الوجع لما تندمج مع ذكرياتك من كتر ألمك وتفتكر انك ممكن تصلح الماضي وتفوق على انه للأسف مينفعش.. حافظوا على حب العمر".

ويعد ألبوم «عيش بشوقك»، أول إنتاج فني لشركة تامر حسني، ويتعاون خلاله مع مجموعة من الشعراء والملحنين والموزعين ومنهم مصطفى حسن، وبلال سرور، وهاني محروس، وتامر حسين، وتامر علي، وهيثم راضي، وجلال الحمداوي، وصابر كمال، وشريف بدر، وشريف مكاوي، وعبد الرحمن شوقي، ووسام عبد المنعم، ورمضان محمد.