خالد الصاوي يطلب المدد رفضا للتحرش

دون الفنان خالد الصاوي مدونته الجديدة "مدد يا مصر"، للتعبير عن استيائه من حالات بمصر، حيث أصبحت في المرتبة الثانية بعد أفغانستان في التحرش الجنسي.
ووصف الفنان خالد الصاوي في تغريدته عبر موقع التواصل الاجتماعي "تويتر" الخميس 19 ديسمبر، التحرش في مصر بوصمة عار، مطالبا بقتل من يعتدي علي أنثي و يقوم بالتحرش و معاقبته فوريا.
و جاءت مدونة "مدد يا مصر" كالتالي :
مدد يا مصر
في أي شرع؟ في أي دين؟؟
يا أخو البنات.. يا أبو البنين
تمشي البنية في غابة طين
خنازير شمال.. وضباع يمين
ده يرمي كتف، وده إيدين
وينجسوا توب الفتي
-قبل الفتاة- يا مؤمنين!
ويدنسوا شرف الحياة
ويلوموا بنتك عالأنين!...
عالظلم ساكت.. تبقي إيه؟
وبدون كرامة.. تبقى مين؟؟
يا ولاد بلدنا يا سامعين
النخوة فين؟ النخوة فين؟؟
يا اهل البلد.. مدد يا مصر
يا أوليا.. يا محاربين
عاوزينها تنضف مالبلا
والأوّلة.. عالسافلين
حطوا الدراع ويا الدراع
ويالله بينا أجمعين
الموت لأنطاع الحياة
"المَوْتُ للمتحرشين
مصر التانية عالعالم بعد أفغانستان في التحرش الجنسي! وصمة عار ف وش كل رجل مصري الصح فرق تصطاد المتحرش وتعاقبه فوري الموت للمتحرش مات الكلام
— Khaled Elsawy (@khaledalsawy) December 18, 2013
الخبز و الحرية: مدد يا مصر http://t.co/NsLYOm0gVm
— Khaled Elsawy (@khaledalsawy) December 19, 2013