راحوا بلاش ..

هتِصْلح أيه ؟! ، قولي
ولا كِيف تِصْلح يا خِلّى ؟! ..
ده الجهل سايد في البلاد ،
.. العِلة صبحت لينا دين
و اللي زاد غطى علينا
راحوا بلاش كل الولاد ..
و الموت مَخيّم ع اللي باقي
.. كل وقت و أي حين !
هو إحنا ليه ، إزاي و فين ؟!
معادش غير اليأس فينا ..
العِتّة واكلة في القلوب ،
.. و الحزن طافح
غّرق و فاض كل المطارح ..
و إزاي هنضحك ؟! ..
دول سكوا فى وشوشنا ،
.. المسارح
والفرحة هاربة من ماضينا
نفسه التاريخ مجابش لينا ،
غير فرحة أو إتنين يا دوب
قوم بينا نهدم ها المدينة ..
على أبوها من جدران وطوب
قوم يلا نرفض كل ذنب ،
يمكن فى يوم نعرف نتوب
.. عن كل ذنب كان عمينا ،
نعود بشر ، وقت الميلاد
أيام مكان الخير مالينا ..
نرفض نكون تانى عبيد
و نبنى تانى واحدة غيرها ،
بأساس شديد و نفوس جديدة