"فؤاد المهندس" بطل موقع التواصل الاجتماعي بعد ظهوره في إعلان بيبسي

أثار إعلان شركة بيبسي الجديد والذي ظهر فيه النجم الراحل فؤاد المهندس ، والنجمة نيللي، وشخصيات بوجي وطمطم وفطوطة، فرحة نشطاء مواقع التواصل الاجتماعي، وكثرت تعليقاتهم على الإعلان.
ودشن النشطاء هاشتاج باسم الراحل فؤاد المهندس، وأكدو أن الإعلان كان سبب فرحة كبيرة لهم أرجعت لهم ذكريات من 20 عاما، مضيفين أن ظهور فؤاد المهندس سبب فرحة كبيرة لهم.
قالت مايا "إعلآن مدته دقيقتين ونص ويرجع بيك لمدة عشر سنين ورآ ويرجع بيك لأحلى شهور رمضآن عدت عليك ف حيآتك وأدق تفآصيل بسيطة كآنت بتقدر تخليك مبسوط .. محظوظين إحنآ بالفترة دى من حياتنآ الى مش بيعشيهآ جيل الآى فون وفوآزير مسلسليكو !!".
وكتب عمرو عبد الوهاب "طبعاً بعد ما فؤاد المهندس طلع في اعلان بيبسي .. كلها كام يوم وهنلاقي علي الكسار بطل اعلانات اندومي ،، وأنور وجدي هيبقى محتكر اعلانات هيونداي ،، واسماعيل ياسين هياكل شيبسيكيكو ،، وليلى مراد هتبقى نجمة اعلانات سباركل . يعني الخلاصة اعلان بيبسي الجديد هيخلي الميتين نجوم ويخلي النجوم ميتين" .
وأضاف عبد الرحمن "و يبقى ظهور فؤاد المهندس أحلى و أصيع و أكثر فكرة مؤثرة في رمضان.. فعلا اللقطة قشعرتني و حسيت انه واحشنا"
وكتبت ميرنا مدحت "فؤاد المهندس بيخلينى ابتسم اول ما اشوفه ، ربنا يرحمه"
وقالت ملوك "نيلي وفطوطة و فؤاد المهندس وطمطم احلى ذكريات رمضان "
وأضافت روان "حتى وهو ميت فرح مصر كلها عن فؤاد المهندس اتحدث الله يرحمه"
وتابع أحمد "كله أعد يتكلم عن إعلان بيبسي وفؤاد المهندس ومحدش خد باله انهم قلبوا طارق في المكنة والواد رجع جري وكان فرحان بالكنافة كمان".
وقال شادي على "مين جسمه قشعر وحس بدمعته لما سمع صوت فؤاد المهندس وحس ان عمو فؤاد واحشه، ولا لما شاف بوجي وطمطم حس انه نفسه يرجع طفل تاني ..الاعلان ده تلخيص اكتر من 20 سنة في دقيقتين".