"تيشرتات" مهينة للمرأة بوسط البلد تثير "ثورة البنات"

نشرت صفحة "ثورة البنات" على موقع التواصل الاجتماعي، والتي تسعى للحفاظ على حقوق المرأة وتتصدى لكل أشكال إهانة المرأة صورا ل"تيشترتات" تحمل رسومات مهينة للمرأة، مؤكدين أنها منتشرة في شوارع وسط البلد.
وهاجمت الصفحة وأعضائها تلك ال"تيشيرتات" التي رسم على أحدها صورة رجل يسحب امرأة تركع على ركبتيها من رقبتها وكتب عليه "ده آخرك"، أما ال"تيشيرت" الآخر فرسم عليه صورة رجل يخرج جيوبه تعبيرا على "الإفلاس"، وكتب عليه "النسوان جابتنا ورا"..
وكتب أدمن الصفحة تعليقا على الصور "لما نشوف تي شرتات مكتوب عليها كده (هو دا اخرك ) بتتباع في الشارع متستغربوش ليه المرأة مهانة في مجتمعنا، و لما التي شيرتات دي تتباع في وسط البلد على أنها شئ عادي يبقى إحنا فعلًا مجتمع مريض وبدل ما نحسن من نفسنا بنعمل العكس للأسف"
وعلقت ميريها اسامة قائلة "ده على اساس ان اللي هيشتريه و هيلبسه راجل مثلا !"، وكتب مسعود "مين الحمار اللى عملها ؟... ومن المتخلف اللى هيشتريها ؟؟... ومن العبيط اللى بيبعها ؟؟ .. ده الأيام السودة اللي عايشنها دي".
وكتبت روان عادل "إيه القرف ده !! فعلا منتهى الإهانه والراجل الشرقي مازال بيحتاج وقت عشان عقله ينضج اكتر من كده".
ورأت أميرة أنه يجب عدم تكبير هذه الظواهر قائلة "أنا رأيي منكبرش بعض الظواهر .. لأنها ممكن تكون مش منتشرة وإحنا بالكلام عنها ننشرها !! بالنسبة للى عمل الفكرة دي هو معقد (سايكو)".