‎"ألتراس أهلاوي" يعلن تجمعه السبت أمام مقر النادي بالجزيرة.. ويذكر الداخلية ب"جمعة الغضب"

أعلنت مجموعة ألتراس أهلاوي أنها ستتجمع بعد غد السبت 9 مارس ‫-يوم محاكمة مجزرة بورسعيد‫- أمام النادي الأهلي بالجزيرة في الثامنة صباحًا، مؤكدين إصرارهم على القصاص من كل من شارك في تلك المذبحة التي راح ضحيتها 72 مشجعا‫.
‎ونشرت المجموعة مساء أمس الأربعاء بيانًا حول مكان وموعد التجمع للجلسة الثانية للنطق بالحكم في قضية مجزرة بورسعيد، هاجمت فيه الداخلية، وتوعدت بالانتقام منهم في حالة عدم القصاص، خاصة وأن المتهمين الذين ينتظرون أحكاما في الجلسة القادمة من ضمنهم 9 ضباط‫.
ووصفوا الداخلية في بيانهم بالبلطجية وشبهوهم بالصهاينة، وقال البيان ‫"بيستحقوا اللقب بجدارة "الداخلية بلطجية"، بيمارسوا جرايمهم من قتل وسحل وتعذيب بكل بجاحة ودايما بيتم التستر على كل الجرايم دي مع اختلاف الانظمة، كيان شارك وتواطأ ودبر وغدر في المجزرة اللي استشهد فيها 72 مشجعا، كيان عمره ما بيواجهني وش في وش، شاف إن أفضل وسيلة لمقاومة الرجال هي الغدر والخيانة يعنى زيهم زي الصهاينة مايفرقوش عنهم كتير‫".
واستكمل البيان‫: ‫"كل اللي شوفتوه الأسبوع ده هو ولا حاجة، هو بجد ولا حاجة، فاكرين جمعة الغضب اللي هربتوا فيها، يوم 9 مارس لو مجاش القصاص منكم وقتها هتتمنوا تعرفوا تهربوا، بس وقتها هتشوفوا اللي مستحيل في يوم تتخيلوه‫".
ووجهوا رسالة أخيرة في البيان، قالوا فيها: ‫"في الجلسة الأولى قولنا إن البعض ممكن يكون أخر يوم بالنسبة له يوم 26 يناير، المرة دي "الكل" هيبقى نازل عامل حسابه إن ده أخر يوم له لو الحق مارجعش‫".