إنتو مين انتو الخيانة في طبعكم قايم عليها حكمكم وانتو اللي جبتوا الأمريكان يهددونا ف أرضكم صدقوني لو العروبة كانت بتجري ف دمكم لا كنتوا خنتم ولا اتآمرتم علي حضن يضمكم إنتو مين إيه يعني حفنة من الفلوس ويا قطيع م التيوس يا محسوبين علي العرب وف جسدهم انتو سوس لو كنتوا فاكرين الفلوس ممكن تساوي روس بروس موهومين.. موهومين إنتو مين إيه عمركم خمسين سنة ميت سنة خمس مية من غيرنا إنتو تغرقوا في شبر مية إيه أصلكم قطعتوا بينكم وبين حاميكم وصلكم إحنا أم الدنيا واوتن ابن عاق يا مبتورين الساق لا فكر ولا ثقافة لا قيم ولا أخلاق إنتو طبعكو النفاق إحنا الحضارة إحنا للعالم منارة مش شوية عملا للأمريكان رهن الإشارة مين رموزكم مين أنجبه تراب أرضكم حتي المساحة ف أرضكم ما تساوي ف أرضنا زقاق وحارة جات لكم منين الجسارة علي فعلكم ده فين الأمارة يا ست موزة افهمي بجد الرسالة إحنا بلد النيل بلد القنال بلد عبد الناصر والسادات والسيسي اهو عدي وفات رجعلنا الذكريات هي دي الرجالة والمكن الداير في بلدنا بيقول للعدو أحلي قوالة بلدنا الرب اللي حافظها لا أوباما ولا سام اللي حافظها ولا ف الكون حد يغيظها إنتو مين أي ملة وأي دين في النعمة إنتو محدثين كنتوا قبل النفط حبة معدمين إنتو الرعاع تاريخكم إيه عارفينه طبعا الولد غدر بابوه وف ثانية باع مصر نور.. مصر الشعاع مالكم ومالنا تدخلوا ليه في النزاع شئونا إحنا نحلها مشاكلنا إحنا قدها يا شيخ تميم يا شيخة موزة ناسكم إحنا نعزها ما فيش خلاف ولا في؟ ونودها إحنا الكبار ما يهمنا شغل الصغار إحنا بنسعي للعمار إحنا قادرين بالإرادة نطفي ونزيل أي نار إنتي مين يا قطر؟! إنتي عار