الطيار الحق هو من يخترق الحاجز .. ثم يهدأ ليخترق عجلة الانتاج

"دى الى اخدناه من الطيارين واحد خرب البلد 30 سنه والتانى داس بنزين شويه ووقف البلد كلها على رجل" دا كان من ضمن التعليقات الساخرة في صفحة "انا الطيار اللي اخترق حاجز الصوت"، على ال"فيسبوك" وذلك بعد حالة الاستياء التي عمت الشارع المصري بعد سماع دوي انفجارات بعدد من ضواحي القاهرة وخاصة المعادي ومدينة نصر ووسط البلد.
وعن هوية الطيار قال مسئول الصفحة "انا من المنصورة ، وماما جايبالي الفانتوم دي في عيد ميلادي ، وبعدين أنا شديت قصاد واحد صاحبي وقعد يقوللي طيارتك ما بتخرقش الحاجز وأنا أقوله لا بتخرق.. في الآخر خرقتله الحاجز عشان يصدق" .
وفي تعليقات لأحد أعضاء الصفحة على كلامه قال محمد حمدي" احنا عوزينك تحمى المظاهرات بتاعت يوم الجمعة الجاية من البلطجية".
وبعد ان وردت انباء عن نية الطيار في اصلاح ما افسده من اختراقه للحاجز قال " أهالى حاجز الصوت يقولون أن الطيار عرض عليهم عملية ترقيع لحاجز الصوت.. والله كدابين ......... دنا عرضت عليهم لفة بالطيارة".
رنا أحمد حبت تستغل الموقف وقالتله " يا مزعج صحيتنا من النوم... ممكن تبقي تخترقه كل يوم الفجر عشان تأخد ثواب في الناس يقومو يصلو.. أخيرا في طريقة تصحي كل المصريين في نفس الوقت".
تامر عبد العزيز عنده كبيرة بأنواع الطيارات الموجودة في مصر وقدراتها " انا ساكن في المعادي في البرج اللي حضرتك بطيارتك الخفية اخترقت حاجز الصوت قدامه ومشفتكش .. انت عندك اولا مخالفة سرعه بس مش دي المشكلة ..انا عندي سؤالين مهمين ..الاولاني طيارات التدريب "سيسنا" ودي اصلا مبتوصلش لحاجز الصوت والتاني ان اخر طيارة فانتوم في مصر اتكهنت سنة 2004 ..حضرتك جبتها منين عشان تخترق بيها حاجز الصوت 3 مرات يعني علي 3 ماخ في الثانية واسرع طيارة في مصر بتطير 2ماخ و4 م".
يحى مسعود رد عليه " انت متعرفش مش "السيسنا" أتعدلت دلوقتى ومركبين لها مروحة من مصنع مراوح حلوان وبأت تقدر تطير بسرعة الصوت".
تامر شاف ان الاجابة مكانتش مقنعه فقاله "وركبولها عواكس رؤية تخليها تطير في شارعنا من غير ماشوفها".
الناس حبت تعرف مود الطيار وهو بيخترق الحاجز يعني كان بيسمع ايه وكان صريح قوي معاهم وقالهم " عشان السؤال اتسأل كتير : و انا بخترق حاجز الصوت كنت بسمع اغنيه تامر عاشور وهي .. اخترقنا و ابتديت الوم فى روحى و اقول يا ريت ".
" انا نازل بطيارتى رايح المجمع علشان اخلص شوية ورق .. على الله الاقى مكان اركن فيه بس" رد عليه محمد ابو المجد " انت بس اخرق الحاجز فوق المجمع وكله هيجري تركن في الحتة اللي سيادتك عاوزها".
محمد حمدي بيسأل "هو انت الى قال عليك انور السادات دول الولاد الى بيدربه متخفيش يا همت يا بنتى!!!!!!!!!!!" رد عليه " أيوة..أنا عيل فلول من دول".
ومن تعليقاته التي تعبر عن ثقافته العالية " الطيار الحق هو من يخترق الحاجز, ثم يهدأ ليخرم عجله الانتاج".
وفي صفحة "انا اللي اخترقت حاجز الصوت" كانت احد تعليقاتها " احب اقول للناس اللي مستغربه ان عندنا طيار أخترق حاجز الصوت..عادي جدا..ما في طيار تاني... بقاله 30 سنة".
وفي أحد مطالبات الصفحة " نداء عاجل للقوات الجوية: نطالب بعمل طائرات سايلنت علشان الشعب المصري قطع الخلف ".
وعن ردود الأفعال قال:
ردود الافعال حول اختراق حاجز الصوت
الداخليه : بلطجيه وراء اختراق حاجز الصوت وانهيار الجسر
علمانيون : لا لحاجز صوت مرقع .. عايزين حاجز جديد
الطب الشرعي : حاجز الصوت لم يخترق بالطائره .. ولكن بلفافة بانجو
توفيق عكاشه : مستعد لترشيح حاجز الصوت اذا استطاع ان يخبرني طريقة تزغيط دكر البط
حاجز الصوت : بقا دي جزاتي يا ولاد بلادي
ليبيا : القذافي يلغي حاجز الصوت
وعن الأسباب حول عملية الانفجار قالك "بعد التدقيق والبحث فى الاسباب الحقيقية للانفجار ....اكد مصدر مسئول ان الانفجار كان ناتج عن انفجار (مرارة) مواطن غلبان لما عرف بموضوع الحكم بالبراءة بتاع شلة الحرامية اياهم".
في نبأ آخر " فسر زاهي حواس سبب الإنفجار بإن الانفجار ده لعنه فرعونيه منقوشه على لفافة ورق بردى فاخر (25 جرام) و يحدث هذا كل 105 سنة فى عيد ميلاد سنفرو السابع".
.