جمعة إنقاذ التيرم وأسبوع الدح تحت شعار "الامتحان من غير غش زي الرسيفر من غير دِش"

استغلّت مجموعة من أعضاء موقع التواصل الاجتماعي "فيس بوك" عدم إعلان الحركات الإتلافية يوم الجمعة كجمعة "للغضب أو التطهير أو للتغيير" وبالتالي اختار طلاب مصر أن ينظموا جمعة بعنوان "جمعة إنقاذ التيرم" في كل مكان في مصر، وأن يكون الأسبوع المقبل هو "أسبوع الدح".
وجاءت الدعوة عبر مجموعة تم إعلانها على شبكة "فيسبوك" بعنوان "جمعة إنقاذ التيرم (أسبوع الدح) الشعب يريد النجاح في الامتحان" تبنّاها طلاب كلية الهندسة بجامعة المنصورة ووجّهوا من خلالها الدعوة لجميع طلاب مصر أن تكون هذه الجمعة للطلاب فقط "بمناسبة إن الامتحانات على بعد 3 أو 4 أيام فقط".
كما جاء في الدعوة "لذلك لازم يكون لينا دور إحنا كمان ونعمل لنا جمعة، إشمعنا احنا؟ ماهو أي حد يعمل حاجة في البلد دى لازم يعمل له جمعة لذلك عملنا جمعة إنقاذ الترم عشان نلحق نفسنا بدري بدري كده وربنا يستر".
ولاقت الدعوة قبولا كبيرا من الطلاب لتضم المئات بعد ساعات من إنشائها وتنوعت التعليقات الساخرة عليها منها (ياترى هنلحق ننفذها ولا النظام أقوى مننا؟) فيما اختار إسماعيل سعيد أن تكون هذه جمعة هي جمعة تحديد المصير.
ووجهت أخرى رسالة إلى طلاب جمعة إنقاذ التيرم بأن ( الامتحان من غير غش.. زى البحر من غير فيش.. زي العصفور من غير عش.. زي القهوة من غير وش.. زي الرسيفر من غير دش).
وعلّق إسلام محمد داعيا الله بالتثبيت على ورقة الامتحان، وتمنّت سارة مصطفى أن تمر السنة الدراسية "نضييييييييفة".
ووجهت إسراء رسالة إلى المجلس العسكري جاء فيها ( نداء من الطلبة للمجلس الأعلى للقوات المسلحة لأن يقوموا بقطع النت زي أيام الثورة الله يرضى عليكو عايزين نذاكر لنا كلمتين) وعقّبت ( يارب علوم تولع بالفيزياء بالمعامل في يوم واحد) ودعت إيمي بدوي الله قائلة (اللهم كرّهنا في "فيسبوك" –مؤقتا- لحد ما نخلص امتحانات، بينما قالت سارة علي ( إحنا آسفين يا ترم).
وعرض مصطفى بعض الأفكار من بينها أن تكون هذه الجمعة هي جمعة "الشعب يريد أسئلة الامتحان".
وكرر أحمد فاروق الدعوة معلقا"الشعب يريد إسقاط الإنترنت في كل مكان فيه مذاكرة وامتحان، ويعني إيه مذاكرة إنك تكون قاعد ليل نهار قدام الكتاب ولما تيجي تحفظ تلاقي نفسك نسيتها وجالك اكتئاب، والمذاكرة هي إنك تقنع أصحابك إن الكتاب ال400 صفحة يخلص في ليلة ويصدقوك، وده صاحبنا عايش في الدور وفاتح الكتاب وبيقرى منه ومعندوش رسايل مكتوب فيها (ذاكر تنجح غش تجيب مجموع) وأخر التيرم عنده مناسبة مالهاش أي 30 لازمة".
واختار عدد من الطلاب تعليق( الفاشل فاشل ومفيش فايدة)