استقبل العمال الرئيس عبدالفتاح السيسي في احتفالية عيد العمال، داخل قاعة أكاديمية الشرطة بالتصفيق الحاد مرددين هتافات "بنحبك يا سيسي ، الله ينصرك". وقال السيسي للعمال: "احنا جايين نحتفل معاكم ونشكركم"، فردد الحضور "أنت بطل مصر يا ريس"، فرد عليهم "خلونا نكون منصفين اللي حصل في مصر اللي عمله المصريبن مش أنا .. أمال الملايين اللي خرجت دي عملت إيه". وأثناء كلمة جبالي المراغي في احتفال عيد العمال، كان العمال يصفقون تصفيقا حادا عند ذكر "مشروع قناة السويس .. السيسي"، وعنما ذكر المراغي "المرأة العاملة" قال السيسي للعمال "محدش هيصفق لها ولا إيه". وانتهت كلمة المراغي وسط هتافات "نورتنا يا ريس .. يا حبيب العمال .. ربنا يحميك لمصر" فرد السيسي عليهم "بحبكم جدا أنتو أهلي وناسي.. والحب مش كلام". وتفاعل السيسي مع الحضور من العمال قائلا "أنا لا قائد ولا رئيس أنا عايز ابقي دايما منكم" ، وقال أيضا "يارب تحيا مصر ويحيا المصريبن". ووجه الرئيس كلمة ارتجالية للعمال قال فيها "البلد اللي بتتهد مش بترجع تاني .. وحجم التحدي ضخم"، مؤكدا أن الدولة تقوم بدورها ضد الإرهاب ولكن على كل مواطن أن يقوم بدور قوي مع جيرانه وأقاربه ليعم السلم علينا جميعا. وقال السيسي "اللي بنعمله مع الإرهاب دلوقت مش لين ولا ضعف بس أنا حاطط قدامي 90 مليون مواطن". وقال السيسي للعمال "لن يستطيع أحد هزيمة البلد دي طول ما احنا نسيج واحد". ووجه السيسي حديثه للدكتور السيد البدوي رئيس حزب الوفد في مداعبه قائلا "ليه ما تعملش مركزين تدريب للشباب ما انت معاك فلوس" وترددت الضحكات في القاعة وصفق العمال تصفيقا حادا. وداعب السيسي المستشار عدلي منصور رئيس المحكمة الدستورية، قائلا له "شوفلنا حل يا سيادة المستشار في موضوع الطعون على القوانين" في إشارة منه لانتخابات مجلس النواب.