آية عبد الله متسابقة برنامج "صوت الحياة" تطرح أغنيتها "محبتنيش"

طرحت المطربة آية عبدالله، متسابقة برنامج "صوت الحياة"، أغنية جديدة بعنوان "محبتنيش"، من كلمات أحمد سرور، وألحان كريم طارق، وتوزيع وهندسة صوتية ل جو حنا، جيتار أحمد أبو القاسم، كلارينت محمد سعيد، وصولو كمان مارينا نبيل.
وتقول كلمات الأغنية:
محبتنيش.. أنت كنت يادوب معايا بتحاول تنسى حكاية قبلي عشتها
ومتحلفليش وياريت توفر كلامك ده.. انا لو مكانك كنت أرجعلها
بتحبها ومش قادر تحب غيرها.. واللي فيها مش لاقيه في واحدة غيرها
ده حتى لو نستها ثواني ترجع تفتكرها
محبتنيش.. لو مهما تكدب عليا أنا مش هكدب عينيا وحقيقة شوفتها
وليه هعيش ليك وأنت عايش عشانها.. أنا عمرى ما آخد مكانها وأنت عايشلها
بتحبها ومش قادر تحب غيرها.. واللي فيها مش لاقيه في واحده غيرها
ده حتى لو نستها ثواني ترجع تفتكرها
محبتنيش..
جدير بالذكر أن، آية عبدالله حصلت على المركز الثالث بمهرجان الموسيقى العربية في دورته ال 20 لعام 2011، واشتهرت بغنائها لأم كلثوم، ونجاة، ووردة، وفايزة وغيرهن من أصحاب الطرب القديم.