عمرو أديب لمحمد رمضان: "قهرت أبو اليسر وأذيته لغاية ما مات وربنا مش هيسيبك"

علق الإعلامي عمرو أديب، علي خبر وفاة الطيار أشرف أبو اليسر، قائلاً:« لمن لا يعرف الطيار الراحل، هو الذي رفع قضية على محمد رمضان، بعد إصراره علي التصوير معه في كابينة الطائرة ونشره علي مواقع التواصل الاجتماعي مما تسبب به في مشكلة في العمل».
وأضاف أديب خلال برنامج «الحكاية»، أنه يعرف الطيار الراحل أشرف أبو اليسر معرفة جيدة، وسبق أن رافقه في أحد الرحلات وكان شخصا مهذبا للغاية ويتسم باحترام الجميع.
وتابع قائلاً: « يا محمد يارمضان لازم يكون ضميرك مستريح.. علشان كنت بتسأل علي الراجل اللي تسببت في أذيته.. تضايق ليه.. الناس مش عارف عايزه منك إيه.. أنت كنت بتابع الراجل لما اترفد بسببك.. وكنت بتزوره في المستشفى.. ولما عرفت أنه اتقهر رحت تسأل عليه.. ما أنت راجل يا محمد وطول عمرك راجل.. أوعى ضميرك يأنبك أنت راجل وصاحب صاحبك.. أوع تنزعج يا رمضان.. أنت أخدت دعوات ربنا يجعلها من نصيبك».
وتابع أديب ساخراً:« قلت لك وأنت بترمي الفلوس ربك مش هيسيبك والنهاردة مصر كلها بتدعي.. ربنا يجعل الدعاء من نصيبك.. بس ربنا مش هيسيبك لأن الخير اللي إنت عملته مع الطيار.. وأنت بترمي الدولارات في المايه».