عبدالباسط حمودة ل «محمد رمضان»: لو ابني رمى دولارات في البسين والله أموته

هاجم المطرب الشعبي عبدالباسط حمودة، مطربي المهرجانات الشعبية، قائلا: "هوجة وهتعدي، عمر كمال وشاكوش بيغنوا، عمر كمال أفضل في الأداء، وشاكوش شاربني ويحب يزعق وبيقلدني، أما حمو بيكا فهو الدم الخفيف والواد الكويس الغلبان الطيب ومش مغني طبعا .. إحنا موضوع وهم موضوع".
وأضاف حمودة خلال حواره مع الإعلامية بسمة وهبة خلال برنامجها "العرافة" المذاع على شاشة "المحور": "حمو بيكا عمل اللي عمله وخلاص، وده مطرب؟! مش مطرب، المونولوجيست أقوى منه، أنا مسميه الفكاهي، محصلش مونولوجيست بيضحكني، هي جاية معاه وربنا يكرمه".
وهاجم المطرب الشعبي عبدالباسط حمودة، الملحن عمرو مصطفى بسبب سخريته من أغنيته الشهيرة "أنا مش عارفني"، قائلا: "لو مش عجباه، يعني ألحانه هي اللي حلوة؟! ولو وصل للعالمية فإحنا وصلنا لإيه؟! للكتّاب؟! الأغنية دي اتغنت في أمريكا .. ده مش ملحن".
وأضاف حمودة خلال حواره مع الإعلامية بسمة وهبة خلال برنامجها "العرافة" المذاع على شاشة "المحور": "أحب حمو بيكا لأن دمه خفيف جدا وبيضحك طوب الأرض، وبحبه وبحب حسن شاكوش".
وحول ما إذا كان يفضل عمرو سعد أو محمد رمضان، أوضح: "بحب عمرو سعد عشان محترم وجدع، أما محمد رمضان أقوله أرجوك خلي الناس تحبك عشان انت جميل وكويس وليك مستقبل هايل، لما بيتكلم بيبقى متعصب، ولو عملت مشكلة زي اللي حصل مع الطيار المفروض كنت أراضيه وأبوس راسه، ولما رمى الدولارات في البسين ممكن متكونش حقيقية بس أحسبها افتراء وابني لو عمل كده أموته".