بعد إصابته ب"البهاق".. تامر حسني يحفز رامي جمال: "مايكل جاكسون جاله اللي جالك وبقى أسطورة"

وجه الفنان تامر حسني رسالة خاصة للفنان رامي جمال بعد إعلانه إصابته بمرض البهاق وتفكيره في اعتزال الفن.
ونشر تامر حسني صورة تجمعه برامي جمال عبر حسابه الشخصي بموقع تبادل الصور والفيديوهات انستجرام .
وعلق حسني علي الصورة قائلا: "إلى الفنان الكبير والصديق الحقيقي والمحترم رامي جمال، يا حبيبي أنت فنان كبير ومحبوب وليك قيمتك وكل الناس بتحبك ومفيش حاجة هتعطلك عن نجاحك، وتعبك دا لا هو مؤذي ولا مُعدي وكل الناس جواها تعب في منه اللي ظاهر وفي منه اللي مش ظاهر حتى لو كان تعب نفسي أو مادي كل شخص جواه وجع من حاجه معينة".
وأضاف: "المهم أننا نبص ونتعلم من اللي ظروفهم أصعب مننا ورغم كدا عندهم صبر وبينجحوا في الاختبار وبيقولوا الحمدلله ومكملين وعندهم إرادة وبينجحوا أكتر من الأول لازم تكمل نجاح يا رامي وشيل أي هلاوس من دماغك وإوعى تخبي نفسك اللي بيحبك بيحبك لشخصك وفنك صدقني دي حاجه عاديه يا رامي والله ملهاش أي تأثير لا عليك ولا على جمهورك".
وتابع: "بالعكس بقى أنت أكيد شايف الناس كلها طيبين أزاي ونفسهم يفرحوك وبعدين إفتكر إن مايكل چاكسون جاله نفس اللي جالك وبقى أسطوره مبتتكررش خااااالص وانت فنان وعارف.. أنا واثق إنك مؤمن وبتحمد ربنا وهتقوم وهتكمل وهفكرك قدام كل الناس اللي شايفه كلامي إنك هتنجح أكتر وأكتر وربنا هيكرمك أجمل كرم و هتشوف قريب بحبك".
تامر حسني ورامي جمال
تامر حسني ورامي جمال