من النهارده دي بلدك إنت

من النهارده دي بلدك إنت‏,‏ ما ترميش زبالة‏,‏ ما تكسرش إشارة‏,‏ ما تدفعش رشوة‏,‏ ما تزورش ورقة‏,‏ اشتكي أي جهة تقصر في شغلها‏,‏ ما تمشيش عكسي‏,‏ ما تدخلش من باب الخروج في المترو‏,‏ ما تعاكسش البنات‏,‏ ما تقولش وأنا مالي وراعي ربنا‏.‏ كلمات بسيطة لكنها معبرة لحملة جديدة لإعادة إعمار مصر علي الفيس بوك‏,‏بتوقيع شباب مصري بيحب بلده ويخاف عليها‏,‏ وحملت شعار خليك إيجابي وقول فكرتك‏,‏ بهدف تجميع أكبر عدد من الأفكار الجديدة للنهوض بالبلد بعد العثرة التي ألمت بها منذ عقود‏..‏
الحملة لاقت تفاعلا كبيرا‏,‏ حيث شارك فيها نحو‏20‏ ألفا‏,‏ وتنوعت أفكار التطوير بين دعم الحس الوطني والديني أنا عايز نعمل توعية كبيرة عشان غرس روح الانتماء‏,‏ وبين تطوير الكوادر البشرية وترك السلبية‏,‏ ودعوة أحد المشاركين إلي نشر الثقافة القانونية عايزين نعرف يعني إيه دستور‏,‏ويعني إيه مجلسي الشعب والشوري وصلاحيتهم‏.‏
واقتراح آخر لتنظيف البلد مباني‏,‏ شوارع‏,‏إعادة طلاء الأرصفة بالجهود الذاتية‏,‏ وعقبت إحدي الفتيات كلنا رجالة وها نبقي نظام واحد ونكون أحسن بكتير‏..‏ ياللا يا رجالة‏.‏
وتمحورت الأفكار الأخري حول مساعدة الجيش علي تظبيط البلد لان المشوار طويل‏,‏ وعمل تطوير لكل الوزارات والاهتمام بالتعليم والبحث العلمي وتنمية الكوادر البشرية وإعدادها بما يتلاءم وسوق العمل أفكار وأفكار لا حصر لها للتطوير وإعادة البناء‏..‏ لكن المهم التنفيذ‏.‏