-خلاص كده.. ؟ طب تعمل ايه وانت بتدور وحاسس إن ده أول طريق تمشيه. مش معني إن البحر قال الشط ده ماسخ ورمله مش علي قد الهوي مايبات عليه يبقي انت تفضل تدوس برجليك اللي باشت من صباح ربنا في مكان ما بتدوب الرمال ع الشط في موجة سايلة من شفايف البحر متحاولش مش يمكن أكون عابر سبيل وبافهم في السفن أو يجوز عرفت إن السعادة متتوصفش بين حبيبين غير بانتصارهم ع العزول أو حتي فاعل.. محبش يكون مستتر وساعي ف طريقه للقمر لحظة ما يحمر خد البحر- من حبه- يتداري في قلب السما ويبعت لرمل الشط لمعانه فيموت علي نفسه م الكسوف وحبة رمل.. بكامل التفاصيل حدفت نفسها في البحر دابت.. - أنا... *مش مهيأ لشم الورد غير اللي مشي ف بستان المسألة مش تطفل اللي عاوز يعرف سر البحر لازم يكون له علم بلغة الصدف ويراقب الموجة ازاي بتتعامل مع الشط بعد الناس ما تمشي الحكاية... لما الشمس بتشقشق الشط.. بيلبس رملته بسرعة والموج.. بيرجع تاني لوش البحر يبتسم للشط ويفضل طول النهار يرشه بالمية.