الوطن ده مش هزار احنا واخدين القرار بالإنكسار بالإنبهار بكل حاجة اجنبي بكل ماهو غريب (سينيه ) عليه علامة الحصار الوطن هو الهويه ماركة مسجله شمس طالعه مشقشقه مش مستحيه نور ينور قلب ليل ظلمة الوطن عيون بهيه مش لسان معوج بيرطن باللغات الأجنبيه مش ولاد سيس وبنطلون جينز ساقط وسماعه ع الودان مش كافيه ظلمة وموسيقي تقتل كل رعشه حب وكل احساس ونبضه طاهرة شجيه الوطن ابني وابنك وبنت حلوة من حيائها الورد يحمر ومن جمالها يخجل القمر وتتداري النجوم والنسيم تبقي له ريحه حلوة نديه الوطن مش نيس كافيه أو كابتشينو الوطن رغيف بلدي ولقمة فول ودشه بصل مكانش يوم فينو الوطن غيطان بتطرح سنايل دهب سبحان من وهب الوطن ان ايدنا تحضن ايدنا وتضمنا خطاوينا ونرجع الحب اللي عايش بينا وعايش لينا ونلملم جراح عمرنا ونشوف سوا علي فين الخطوة حتودينا الوطن إبني وحأبني له هرم عالي علشان إبني ده غالي ولازم نصحصحة ونفوقه زي ماعمل أهالينا