رجال الشرطة يوجهون رسالة لأمهات الشهداء

وجه رجال الشرطة رسالة لأمهات شهداء الشرطة امس بمناسبة عيد الام وقام الشاعرالنقيب عبداللطيف القاضى الضابط بقطاع الاعلام والعلاقات بالقاء قصيدتين من تأليفه وبحضور اللواء طارق عطية مساعد وزير الداخلية لقطاع الإعلام والعلاقات.
القصيدة الأولي
يا أمّى ليه يوم تحزني
والجنة لسه ف انتظار متزينة
إللى على إيديه النهار جه أرضنا
ياأم الشهيد
ابنك بطل .. بالتضحية
و لولاه ما كانت أغنية
للانتصار
الجنة لسه ف إنتظار
طلع النهار
كان البطل ابنك هناك
سابق بروحه خطوته
أفديك بروحى يا وطن
أفديك ومن دمّى التمن
الجنة لسة ف انتظار متزينة
ى أمي
قولى للى جايلك من صحابي
واللى جايلك من زمايلي
إنى أجمل حاجه أنتي
يامصر
روحى فيكى فين ماكنتي
إنتى جنة أرض ربي
يا أمى أوعى تحزني
الشهادة هى جنة للشهيد
يوم شهادتى يبقى عيد
اسألينى راح تلاقى قلبى من جوه سعيد
يبقى ليه ى أمى حزنك
جنة فاتحة حضنها من بعد حضنك
ياأمى أوعى تحزني
ياأمى أوعى تحزني
القصيدة الثانية
جانى تانى وجابلى وردة
كان فاكرنى هاخدها وأرضى
قاللى جايلك من هناك
أحكى عن كل اللى فات
قال يا أمى
أوعى يوم تفتكرى إنى
راح أسيبك .. مين حبيبك
لو ماضحى عشان عيونك
لو ما كان بالروح يصونك
لجل ترضى يكون حبيبك
الحكاية ...
الوطن نادى يا أمى
كنت أسيبه ؟ ..
لو يضيع الحق منُّه ... مين يجيبه
غير ولاده .... صدقينى ...
إن حضن الأرض لما ..بين إيديه ياخد شهيد ..راح يلاقى نفس حضنك
انتى أمى .. والبلاد الغالية أمى
أوعى مرّة ف يوم تخافي
حضن أرض بلادى برضه
حضن دافى .. حضن دافي