م الدنيا الفانية بابعت لك وانت ف دار الحق سلام وباقول لك سبت لنا فراغ يا إمام الدنيا من غيرك ضلمة كنت النور اللى بيهْدِى والدنيا من غيرك زحام فى زحام والله من غيرك تايهين بنخبط واحنا ماشيين الكل بيتكلم باسم الدين ولا رأى ولا موقف ثابت زى نبات من غير جدر ونابت ودعاتنا كتير منهم خابت غرتهم دنيانا الفانية نسيوا ان الموت ييجى ف ثانية قدام المال والجاه روسهم منحنية والله يا شيخ فاكرك وإزاى انساك وانت بخطبك وكلامك دليتنى وقويتنى وآراءك عِلم زادتنى وانت بأخلاقك كنت ملاك فعلك زى كلامك من جواك ربنا مَنْ عليك بخواطرك أهداك عشت ومت وطلعت من الدنيا سليم وساهمت فى هداية العاصى ودافعت عن الإسلام بابعت لك وانت ف دار الحق سلام. فاكر حرف السين اللى يأكد ان القرآن من رب العالمين؟ والله يا شيخنا اجتهاداتك ما لها عدد كنت للإسلام وتد لكن أمر الله نفد والكل مفارق ولا باقى غير فرد أحد الله صمد وبنستنى يا شيخ شعراوى واحد زيك يبقى النور فى زمان م الأوليا مهجور فى زمان الفوضى والأوهام بابعت لك وانت ف دار الحق سلام واتمنى لما أموت اكون بجوار سيدنا محمد والشهدا والأوليّا وأقابلك وياهم أنا طمعان فى الهادى العلام بابعت لك وانت فى دار الحق سلام.