مقاطع من «أغنية العربجية»

مين زينا احنا العربجية ياهوه مين بنشوف غلب وتلطيم عقبال اللايمين كل الناس في أشغالها يافندي رايحين جايين
الا احنا نفضل بالعشر ساعات قاعدين
الله يكفيكو ياهوه شر القعدة اللى بنقعدها
مصلوبين طول النهار انا والجدع ده
ياما بنشوف م الشاوشيه
صُبح ومغرب وعشية
على أى شىء يرازونا
يخالفونا ويلعنوا ابونا
أهي حالة يعلم بها سيدك
تشكي لمين شيء مش حايفيدك
طول ما سرعك يااسطى فى ايدك
اوعى تصدق اننا نتهان
الله يكون فى عوننا
ياما بنقاسي مع زبوننا
يجي الزبون ده يركب
زي اللى بيلعب عنكب
يحط رجله فى خربتنا
وإن قلنا له حاجة يخرب بيتنا
يفضل كده يهري فى جتتنا
قال ده مزاج البيه أحيه
غناء ولحن
سيد درويش
كلمات
أمين صدقي