عِطرِك يا حبيبتى بيخَلِّى القلب يدوب بيخلِّينى اتمنى بدل القلب قلوب عِطرِك بينسينى الماضى والمكتوب بيتوِّهنى وادوب بيورينى دروب بيعلِّمنى اتوب بيخلِّينى اشتاق للقاكى بيعلمنى العشق عِطرِك بياخدنى فى لحظة صدق وما ينفعش هروب عِطرِك يعنى جمالِك يعنى عيونِك يعنى دلالِك يعنى الروح عِطرِك يا حياتى مش شئ ملموس عِطرِك حب، جمال محسوس عِطرِك فى الصُبْحية أزهار... وورود وعبيره بيإسِرنى بيجذبنى ولحُضْنِك تانى أعود ألاقيكى فُل وياسمين وعيون حلوين والنرجس ع الخدين موجود عِطرِك يا حبيبتى مالوهش حدود يجْتاح أسوارى ويعدِّى مدارى.. يلمِس إحساسى ما اقدرش أدارى وبحُبِك أنطق وأقول أنا فيكى بادوب واما الشمس تروح ف غروب وأجيلك بهوى المحبوب ألقى العِطر شموع ولا أتمنى رجوع وأرقص ويَّاكى على نغمة عود تبقى حورية وأنا الموعود عِطرِك بيحررنى من كل قيود عِطرِك يا حبيبتى بيخلِّى القلب يدوب بيخلِّينى اتمنى بدل القلب قلوب لما سفينْتى تضِل ألقاه فى البحر شراع بينجينى من كل ضياع عِطرِك همسة ولمسة ونسمة عِطرِك بسمة عِطرِك سرُّه بيحْيينى ويخلِّينى الحب مالينى تِحْلَوّ سنينى وياخُدنى حنينى على برَّك وارسى فى عيونِك بانْسى شجنى وأنينى ألاقيكى.. تلاقينى وأضمِّك وتضمينى والفرح يجينى لما تجينى ح نعيش العمر لا انساكى ولا تنسينى عِطرِك يا حياتى بيكْسر أى رتابة بيدوِّبنى صبابة عِطرِك زى سحابة بتنَزِّل أمطار وأنا أرض بوار بيخلِّينى اخَضَّر واطرح أزهار بيخلِّينى ربيع مليان نَوَّار بيخلِّينى أحب الحرية ويدخلنى مع الأحرار عِطرِك وَرَّق فى الأشجار عِطرِك فيضان أنهار عِطرِك أقوى م الإعصار بيزلزلنى ما اقدرشى أقاوم.. أنهار وبيجرفنى التيار أبقى فى بحورِك بحَّار عِطرِك لما يجينى بتكونى التلج واكون النار من ديوان بنفس الأسم صدر منذ أيام