الفجر نايم وأهلك يا باريس صاحيينمعمرين الطريق داخلين علي خارجينومنورين الظلام راكبين علي ماشيينبنات بتجري وياما للبنات أشغالوعيال تروح المدارس في الحقيقة رجال ورجال. ولكن علي كل الرجال أبطالولسه حامد وعيشة واسماعين نايمين**** راحت علي الشمس نومة والبلد في ظلاموقبل دي الشمس فات ابن المدينة وقامالكون ينور بإيده لما شمسه تنامفايتها للشرق تتلطع علي الأطلالينشف عليها الغسيل والطبلة والغربالويقوم علي لدعها النايم سنة بطالصبحت باريس في غني عنك يا شمس الدين**** العلم والرقص دول في معهد السوربونأعجب عجيبة أشوفها لو ألف الكونمعهد حكومي, وحقه يشبه الكركونلكن فرنسا لها دون الأمم أحوال ليبران في الاحتفال بيصافح الشيالوبنت سوق الخضار ساكنة مع الماريشالوالبوسطة صندوقها واقف داخل الدكاكين**** جارتي سوزان الجميلة إللي تبيع الموزنازل عليها المطر من فم متر ليوز اتبسمت للمطر أحسبها فازت فوزبالبعد عن مشيها في حارة الكيالودرب شعلان وفيه الوحل للخلخاللكن سوزان إللي واقفة وقفة التمثالمجلس بلدها جعل رجلين سوزان سخنين**** شفت العيون والشفايف في باريس بتقول:إحنا ملوك البرايا حكمنا مقبولالبدع والفن كله عننا منقولسادات بنا في السيادة تنضرب أمثالأحرار محرم علينا السجن والأغلالوالفقر والذل ما لهم في بلادنا مجالويوم سباق النجايب كلنا سابقين **** إن دقت اتنين صباحا خش مونبارناس حيي العذاري السكاري تحت كعب الكاسوجوه عزلها جمالها عن وجوه الناستجذب بنورها أمم في الهند والشلالهي فينوس وعبادها من ملوك المالوتبقي صالة بديعة واللي فيها مين؟