إلهام شاهين: قدمت في المعهد من ورا أبويا وشهرتي كانت "البت ام خدود حمرة"

روت الفنانة إلهام شاهين خلال حلولها ضيفة على الفنانة إسعاد يونس ببرنامج "صاحبة السعادة" المذاع عبر قناة "دي ام سي"، موقفا خاصا برفض والدها فكرة تمثيلها والتحاقها منذ البداية بالمعهد العالي للفنون المسرحية.
إلهام شاهين
وقالت الهام شاهين: "كنت من النوع اللي بيتكسف وطول عمري فمدارس بنات مش مختلطة، وفمرحلة الجامعة بابا قدم لي في كلية لغات وترجمة وامتحنت وجبت نمر هايلة لكن قدمت في فنون مسرحية من ورا بابا كان ضد التمثيل خالص، بابا كان شديد ومش المفروض اتعامل مع شباب.. وفي المعهد قالولي لا لازم ورقك ييجي عندنا مينفعش تقدمي فالاتنين ولازم حضور، فكان لازم اقول لبابا، وكانت الطامة الكبري".
واضافت قائلة: "استاذ كمال ياسين قالى عايزك معايا في مسرحية، قلت له بابا اصلا مش موافق وميعرفش انى فالمعهد، قالي انا عايز اروح لابوكي، وفعلا راح وقعد معاه في البيت واقنعه".
وتابعت إلهام شاهين حديثها قائلة: "لما دخلت المعهد العالي للفنون المسرحية اول مرة يبقى فيه حاجة اسمها زميل ورجالة، كان وشي بيحمر طول الوقت، فكانوا مسمييني البت اللى وشها بيحمر كنت بتتكشف اوي، وازاي البنت اللي بتتكشف كدا ينفع تمثل وتقف على مسرح وتواجه جمهور".
اقرأ أيضا.. إلهام شاهين تجتمع ب أصالة في متحف القوات الجوية (صور)
وواصلت قائلة: "انا نفسي مكنتش متوقعة اني امثل بسبب الخجل الأوفر ده ومكنتش متوقعة اني انجح فاختبارات المعهد وانا بقدم، واتفاجأت انهم بعتولي اني نجحت