هاشتاج "تربية بتطالب بالتكليف" يشعل تويتر.. والطلاب: لو الشغل من حقنا وهنفضل لحد مايرجعلنا

تصدر هاشتاج " تربية بتطالب بالتكليف"، صباح اليوم الأحد الموافق 21 يوليو، موقع التواصل الاجتماعي "تويتر" وذلك لتعبير طلبة طلبة كليات التربية عن غضبهم وشعورهم بالظلم بسبب إلغاء التكليف منذ عام 1998 مطالبين بعودته ثانيًا حتى يعودوا إلى مكانتهم في المجتمع .
تربية بتطالب بالتكليف
قال حسام حمدي طالب بالكلية التربية عبر موقع التواصل الاجتماعي "تويتر": " #عايزين_تكليف_تربية، تكليف تربيه راجع، ورجالتها وبناتها يتعينوا ،ده مش مطلب ده امر من أجيال وأجيال".
وشاركت آية أحمد الطالبة بكلية التربية جامعة عين شمس في هاشتاج قائلة: "#عايزين_تكليف_تربية احنا بنتعب وندرس اقل حاجه تسع مواد فى التيرم ونمتحن دا كله عشان تقولو علينا غير مؤهلين".
اقرأ أيضا: أول رسالة دكتوراه تقدم برنامجا تعليميا متكاملا لتدعيم دور متحف إخناتون بالمنيا
وعبرت نورهان عتمان عن غضبها بسبب الظلم الواقع على خريجي كليات التربية قائلة: "اللي يقول آداب اكاديمي ومؤهل أكتر من تربية هقوله انت جاهل ومبتفهمش عشان سمعنا عبد كتير وقرفنا من الروايات دي".
وأضاف مالك سلامة قائلًا: "مجموع 93% وحوالي 70 مادة في اربع سنين وفي الاخر مفيش تكليف احنا عايزين حقنا بس #عايزين_تكليف_تربية".
وتابعت خريجة كلية التربية منة يحيي قائلة: "كفاية المرمطة والتعب اللي بنتعبه في الكليه والله التكليف ده أقل حقوقنا اربع سنين مرمطه اربع سنين ضغط وامتحانات ويجي واحد ماتعبش تعبنا ولا اتمرمط زينا وفي الاخر ياخد مهنتا مننا ده يرضي مين ده انتوا بتساوا الي تعبوا بالي ما تعبوش".