بعد 15 حكما واستيلائها على 9 ملايين جنيه.. سقوط "نصابة الشرقية" الهاربة

نجح رجال مباحث المنوفية فى ضبط سيدة لقيامها بالاستيلاء على مبالغ مالية كبيرة من بعض المواطنين بزعم توظيفهم بإحدي الشركات، والحصول على شقق سكنية بمحافظة الشرقية.
وكان مواطن قد حرر بلاغا ضد سيدة اتهمها بالستيلاء على أموال والاعتداء عليه، وقالت ابنة محرر البلاغ "رؤي م. أ" مقيمة بدائرة قسم أول العاشر من رمضان، بمحافظة الشرقية، ل " أهل مصر"، إنها تملك شقة سكنية عرضتها للإيجار في مدينة العاشر من رمضان، وجاءتها سيدة وزوجها وابنتها وأجروها منها، واضافت: مكانش في بينّا أكتر من فين ايجار الشهر؟ اتفضلوا ايجار الشهر، وبعدها ب 6 أشهر كانت والدتي بتكلمها عشان الإيجار والسيدة قالت لوالدتي يوجد فرص كويسه ل شراء شقق تبع وزارة الاسكان وهى عندها حد تقيل في الوزارة وبتقدر تظبط الموضوع دا بس بياخدوا فلوس حوالي 30 ألف جنيه وان في كمان فرص شغل كويسة في شركة بترول بلاعيم -ساعتها كانت فعلاً الشركة أعلنت عن فرص شغل- وبردو بياخدوا فلوس دفعنا لها فلوس عشان شقق وناس تبعنا عرفوا الموضوع قالوا احنا كمان عايزين شقق وناس قالوا عايزين شغل وفعلاً خدت الفلوس 360 ألف جنيه وكتبنا عليها إيصالات أمانة على أساس ان موضوع الشغل والشقق دا هيكون خلصان في خلال شهر.
اقرأ أيضا: 20 سنة نصب على الناس.. حقيقة موظف ينتحل صفة طبيب عيون بالبدرشين
وتابعت: بعدها لقينا في مماطله منها وتهرب وابتدينا نشك انها مش مظبوطه وخلينا حد قريبنا يكشف عليها برقم بطاقتها طلع عليها 24 قضية وواخده أحكام، يعني حتى لو رفعنا عليها قضية مش هناخد فلوسنا "كان غيرنا أشطر".
واستكملت: ابتدينا نضغط عليها في اننا عايزين فلوسنا وكل يوم والتاني نروحلها نطالب بحقنا مشيت وسابت الشقه من غير ما نعرف وساعتها ابتدينا نسعى في سكة القضاء لعل وعسي وبعد ما مشيت طبعاً حطتنا كلنا ع ال black list وبلوكات على كل حاجه ومن يومين والدي قدر يكلمها واحتد عليها في الكلام واتخانقوا وقالها انا هحبسك، بعدها لقينا شباب بيخبطوا علينا وبنت السيدة دي معاهم والدي فتحلهم اتهجموا عليه وعليا انا ووالدتي قلبوا البيت وسرقوا شنطة والدتي على أساس فيها الايصالات ونزلوا يجروا، والدي نزل يجري وراهم زقوه من علي السلم واتصاب حررنا محضر رقم 6608 لسنة 2019 قسم أول العاشر من رمضان، مُرفق بتقرير طبي.
وتابعت: دي نصابة وناصبة على ناس في القاهرة والعريش والمنوفية والشرقية والقليوبية وكفر الشيخ في حوالي 9 مليون جنيه، وكانت مفهمانا انها مندوبة زى المندوبين اللي بيخلصو البطاقة أو جواز السفر أو الرخصة فى المرور أو أى ورقة حكومية.
اقرأ أيضا.. إصابة شخص في حادث انقلاب دراجة نارية بطريق بلبيس- الزقازيق
والتقطت طرف الحديث المحامية "أسماء هاني": أنا بجمع كل الأحكام اللي عليها بقسم منوف والسويس والعريش وبدأ المواطنين يتواصلوا معانا، وصادر ضدها 15 حكم نصب على المواطنين، بدائرة قسم أول العاشر من رمضان، وتم ضبطها بعد الهروب من محافظة الشرقية مختبئة بمحافظة المنوفية، وحررت محضر ضدها بقسم أول منوف يحمل رقم 3831 لسنة 2019.
وتحرر عن ذلك المحضر رقم 9759 لسنة 2019 قسم اول العاشر من رمضان.