«فرشة وقماشة وشوية ألوان».. حكاية «ضي» مع الفستان

فرشة وقماشة وشوية ألوان، كانت أدوات "ضي" اللي عنده 3 سنين بس وهو بيصمم فستانه الأول.. مي عامر، مامة ضي حبت تجرب حاجة مختلفة مع ابنها احتفالا بعيد ميلاده التالت.
جابت له قماش و ألوان وسابته يرسم عليها براحته لمدة اربع ايام و كانت بتحاول تساعده أزاى يوزع الألوان صح و" فعلا قدر يعمل اللى كنت متوقعاه و خدت القماش لواحدة صاحبتى عملته فستان " و اتصورت به و نشرت الصور دي على فيسبوك و عجب ناس كتير جدا من اصحابها.
أما رد فعل ابنها ضي فتقول مي : " اول ما شاف الفستان قالى بحبك يا مامى و بعدين سألنى : هى دى هدوم ؟" و تقول كمان : " ضي موهوب و من عمر سنة تقريبا حسيت إنه موهوب بالرسم و توزيع الألوان بشكل لافت و كمان حبه للرسم خلانى افكر إنى اركز على الموهبة دى و فعلا من وقتها و انا باحاول اساعده بالشكل ده، و بقدم له من فترة للتانية فى ورش مختلفة بتجمعه بأطفال كتير من نفس عمره و برضة بيحبوا الرسم كنت باحاول اركز على موهبته و اساعده انه يخرجها و من هنا جت لى الفكرة دى ان يكون فستان عيد ميلاده من تصميمه".
الفكرة زى ما فرحتنى فرحته وحسسته إنه فعلاً بيعمل حاجة علشانى، واللحظة اللى فرح فيها بجد وقت ما شافنى لابسة الفستان وقالى "حبك يا مامى ... هى دى هدوم" وكان مش مصدق إنى هلبس اللى هو عمله، كان فاكر بس إنى هعلقه على الحيطة زى كل الحاجات اللى بيرسمها، بس فرحته خلتنى أصمم إنى أكمل أنا وهو فى المشوار ده لحد ما يبقى فنان مشهور".
التعليق : لو كل ام او اب عرفوا ايه موهبة ابنهم و حاولوا ينموها هتطلع منهم حاجات حلوة تفرحنا بهم و هم يفرحوا بنفسهم..
الفستان ده شبه فستان انجلينا جولى بتاع فرحها لما صممته عليه رسوم اولادها اللى متبنياهم / كان ابيض و عليه الرسوم مطبوعة و متوزعه خاصة على ديل الفستان.
و شبه كمان فستان شيرين اللى اتريقوا عليها لما لبسته فى برنامج و طلع مرسوم عليه رسومات اطفال مرضي بالسرطان.