شاهد| إقبال ضعيف على حلوى المولد بالسيدة زينب لارتفاع أسعارها

تعود المصريون منذ قديم الزمان على إحياء ذكرى مولد النبي صلى الله عليه وسلم بشراء الحلوى والتهادي بها بين المخطوبين، بشراء علبة حلوى وعروسة، وكان الإقبال عليها كبيرا، إلا أن الأمر اختلف هذا العام، حيث كان الإقبال على حلوى المولد هذا العام ضعيفا، بمنطقة السيدة زينب بوسط القاهرة، حسب قول أحد البائعين، الذي أضاف:"طبعا أسعار السكر واختفائه من السوق وارتفاع الدولار كل هذه جعلت كل شئ يرتفع بشكل جنوني ل100% مش في الحلاوة بس في كل شئ".
وتابع: "الزبائن بتيجي تقلب في الحلاوة وتتفرج عليها وبتسأل على السعر وبيمشوا ويفضلوا يلفوا ويرجعوا تاني يشترو كيلو أتنين.. على غير العادة كان الناس بتاخد بالخمسة والعشرة كيلو.. دا بقى ضعيف أوي دلوقتي".
وقال أحد الزبائن وهو شاب عشريني كان يشتري حلوى المولد وعروسة لخطيبته: "السنة اللي فاتت كنت بشترى الحلاوة والعروسة ب 200 جنيه بس دلوقتي مش أقل من 500 جنيه بنفس الكمية بتاع العام الماضي"، مضيفا وهو يضحك :"والله بفكر أفسخ الخطوبة بسبب اللي بيحصل فينا دا".