محمد صلاح: فرصتي جيدة لتحقيق الكرة الذهبية.. وكوبر أذكى مدرب دخل مصر

تحدث محمد صلاح، جناح الفريق الأول لكرة القدم بنادي ليفربول، عن أصعب لحظاته مع منتخب مصر، وطموحاته في الفترة المقبلة.
وقال صلاح، خلال تصريحات تليفزيونية: «مصر بالنسبة لي كل حاجة حلوة، فيها أهلي وناسي».
وأضاف: «بكيت أكثر من مرة بسبب أحداث الكرة، وكنت على أخرى في مباراة توتنهام هوتسبير».
وتابع: «كوبر من أذكى الناس اللي جت مصر رغم إن الناس فاكرة إنه مش فاهم.. لكنه عمل من القماش حرير».
وواصل: «قبل مباراة الكونغو تخيلت إني هجيب هاتريك ونصعد كأس عالم، لكن حصل خيبة أمل بعد هدف التعادل، وبعدها جت الفرصة وسجلت هدف الفوز».
وأردف: «أتمنى أكسب بطولة مع منتخب مصر وبطولة كمان مع ليفربول في الموسم المقبل».
أكمل: «فرصتي كويسة إني أحقق الكرة الذهبية بعد الأرقام اللي حققتها، لكن مين اللي هيكسبها محدش عارف».
واختتم: «مكة ممكن تبقى ممثلة جامدة لكنها مش بتحب تلعب كرة».