شوبير ينتقد حرمان جماهير القطبين من أدوات التشجيع والقميص 72

انتقد الإعلامي أحمد شوبير التشديدات الأمنية على جماهير كرة القدم المصرية، من خلال منع دخولهم المباريات بالأعلام وأدوات التشجيع، وكذلك ارتداء قميص 72 لإحياء ذكرى شهداء الأهلي في حادث بورسعيد الأليم.
وقال شوبير عبر برنامجه الإذاعي: "يعني إيه أنا كمشجع أدخل الماتش من غير علم وطرومبيطة، ويعني إيه الجمهور يتمنع يلبس أي حاجة عليها 72 ده لاعيبة الأهلي نفسها بتسخن بتشيرت 72 يبقى فين المشكلة؟".
وأكمل شوبير: "لازم كمان موضوع الأكل والشرب جوه الاستاد يكون بسعر مناسب ويكون سعر التذكرة مناسب خاصة في المباريات العادية وارفعها شوية في ماتش زي الأهلي والزمالك".
وأوضح:"ليه المشجع ما يلبسش الرقم 72 إزاي يعني ده لاعبي الأهلي بيتدربوا ويسخنوا بالرقم 72، كده كده ممنوع منعا باتا الخلط بين الرياضة والسياسة المدرج عشان المتعة والفرحة والسعادة لكن في نفس الوقت مش شايف مشكلة في لبس قميص بأي رقم، والممنوعات اللي ممنوعة أنت ملتزم بيها تماما".
وأتم:"أنت في دولة فيها نظام واحترام لابد أن يطبق على الجميع، بس في نفس الوقت إديني راحتي وأنا بشجع، وفي نفس الوقت أنت كمشجع بلاش تطاول ولا ألفاظ كانوا زمان بيقولوا مانجا مانجا رجل الخطيب كمنجة، سبني أفرح بفرقتي ألبس فانلتي أرفع علمي أضرب على طبلتي طالما لم أتجاوز".