أول تسجيل صوتي ل أحمد العوضي بعد خروجه من المستشفى.. ماذا قال؟

طمأن الفنان أحمد العوضي جمهوره بعد خروجه من المستشفى، وذلك بعد تعرضه لوعكة تنفسية شديدة أثناء تصويره إحدى مشاهده في مسلسل حق عرب.
ونشرت الصفحة الرسمية لبرنامج et بالعربي تسجيلا صوتيا للعوضي وهو يطمئن جمهوره قائلًا: "أنا كويس الحمد الله وبطمئن كل أخواتي وحبايبي ومش عايز حد يقلق، أنا خلاص خرجت من المستشفى النهاردة والمفروض هرجع أصوّر المسلسل يوم السبت وكل حاجة تمام وإن شاء الله هعملكم مسلسل جامد يليق بيكم كلكم".
A post shared by ET بالعربي (@etbilarabi)
تفاصيل الأزمة الصحية ل أحمد العوضي
وكان قد تحدث الفنان أحمد العوضي أمس خلال مداخلة هاتفية مع الإعلامي شريف عامر خلال برنامج 'يحدث في مصر'؛ عبر فضائية mbc، وكشف عن تفاصيل إصابته ودخوله المستشفى حيث قال: «أنا كنت في الفترة الأخيرة بصور طول الوقت ومضغوط وبطلع من التصوير على التمرين ومن التمرين على التصوير».
وتابع: «كان مافيش أي راحة فجالي دور برد شديد جدًا، وأهملت فيه واتعافيت على نفسي في إني أشتغل وإني لحد ما لقيت درجة الحرارة ارتفعت فجأة ورعشة جامدة وروحت للدكتور وقالي لازم أتحجز أربعة أيام في المستشفى عشان الإهمال اللي بعمله، وبالفعل دخلت المستشفى وبإذن الله هخرج بكرة''.