البلوجر نورهان قنديل تثير الجدل مجددًا.. ما الذي دفعها لهذا القرار؟

أثارت البلوجر وأخصائية التغذية نورهان قنديل، حالة واسعة من الجدل عبر مواقع التواصل الاجتماعي، في الساعات القليلة الماضية، بعد نشر صورة لها بدون حجاب عبر حسابها الشخصي على موقع تبادل الصور والفيديوهات الشهير 'إنستجرام'، وأشارت إلى قرارها بخلع الحجاب بعد فترة قصيرة من ارتدائه، وهو الأمر الذي تسبب دهشة بعض رواد السوشيال ميديا، بينما تعاطف البعض الآخر مع الأزمة التي من الواضح أنها تمر بها، وهذا ظهر من خلال تعليقها الأخير عن قرار خلع الحجاب.
وخلال السطور التالية يوضح 'أهل مصر'، البلوجر نورهان قنديل تثير الجدل مجددًا، والسبب الذي دفعها لخلع الحجاب
البلوجر نورهان قنديل تثير الجدل بخلع الحجاب
نشرت البلوجر وأخصائية التغذية العلاجية، نورها قنديل، صورة لها عبر حسابها الشخصي على موقع 'إنستجرام'، والتي ظهرت فيها بدون حجاب بعد فترة صغيرة من قرار ارتدائه، وعلقت البلوجر قائلة ' مش عارفة ليه كل ده حصلي، بس أنا فى ابتلاء شديد ومعنديش تفسير ولا تبرير، بس أنا كنت بمر بمرحلة حزن وضعف شديدة من قبل لبسي للحجاب وقلبي وكل حاجة فيه كانت بتحركني ناحية الخطوة دي علشان أبقى أقوى لنفسي ولبناتي وشغلي وربنا وحده بس هو اللي عالم ضميري ونيتي'.
وأضافت البلوجر نورهان قنديل عن سبب قرار خلع الحجاب 'بس النتيجة إني بقيت أضعف بكتير، والخطوة دي بقت محتاجة مني قوة مش عندي، أنا أكيد حزينة إني مقدرتش أكمل في حاجة بحلم بيها من سنين، وبدعى ربنا كل يوم إنه يختم حياتي بيها، وبدعي ربنا من قلبي يحببني في نفسي في الحجاب الصحيح اللي مقدرتش أعمله، وحزينة أكتر إني بعلن ضعفي وتشوشي اضطرابي اللي غلبني وسيطر عليا ومش عارفة موصلني لفين'
البلوجر نورهان قنديل
وواصلت نورهان قنديل حديثها عن أزمتها الأخيرة قائلة: 'آسفة طبعا، طبعا آسفة إني دخلتكوا معايا في متاهة قرار شخصي، بس هو لأنه حاجة الواحد لازم يكون فخور بأنه يعلنها، الحجاب ملهوش أي دعوة بأي توتر أنا بعيشه، بالعكس أنا عارفة إنى أجمل بكتير وأنا لابساه، بس في فرق كبير بين إني أتخلى عنه وبين إني مش عارفة ألبسه بالشكل اللي يخليني قوية وواثقة وأد المسئولية، أو ده التفكير اللي للأسف بقى مسيطر عليا واتخلل لقلبي، ومش هحمل الناس طبعا مسئولية حاجة، بس أنا حاسة إني بمر بأزمة كبيرة وأكيد كل حاجة خير وده يقينى بربنا'.
واختتمت حديثها قائلة: 'بس اللي انكشف لي في الفترة البسيطة دي كان أكتر من تحملي ولأول مرة أركز في حجم القسوة اللي في القلوب، مش عارفة ليه بس أظن لعنة السوشيال ميديا أصابت قلبي، وبقيت حاسة إنه مش قادرة على كمية الصراعات اللي بعيشها بسببها ولا مبسوطة بأني شخصية عامة، أنا هعتبر كل اللي هيحصل من هجوم طبعا ده في ميزان حسناتي لأني أكيد محتاجة ده'.
البلوجر نورهان قنديل ترتدي الحجاب
ونشرت البلوجر نورهان قنديل في نهاية الشهر الماضي، صورة لها وهي مرتدية الحجاب، وعلقت 'الحمد لله ربنا هدى قلبي، إني أقرب منه بخطوة كمان، يا رب تقبل محتاجة منكم دعوة حلوة وربنا يهدينا جميعا، ويقوينا على نفوسنا وينعم علينا باللى يريح قلبنا.. ومازلت لا أعلم ماذا فعلت من خير وسط ذنوبي، ليفيض عليَّ ربي بكل هذا الكرم لأكون غريق في النعم، الحمد لله'.
البلوجر نورهان قنديل
وتفاعل رواد مواقع التواصل الاجتماعي وقتها مع هذا القرار، وبارك لها الكثيرون ومن بينهم الفنانة المعتزلة حنان ترك.