حلا شيحة تتصدر التريند.. ووالدها يثير الجدل حول خلعها الحجاب من جديد "صور"

دائما ما تثير الفنانة حلا شيحة الجدل وتتصدر التريند علي محرك البحث جوجل ومع كل مرة يصبح الحجاب مابين ارتداء حلا شيحة له أو خلعه هو السبب الرئيسي ،لتأتي تصريحات والدها الفنان التشكيلي أحمد شيحة مؤخرا وتثير الجدل حولها بعد أن أوضح خلال حواره مع الإعلامي يوسف الحسينى في برنامج "حروف الجر"، الذى يذاع عبر قناة نجوم F.M أن ابنته الفنانة حلا شيحة غير محجبة الآن ووقت حجابها وخلعه لم يؤثر أحد عليها وعلى قرارها قائلا:
أحمد شيحة
"عندما ارتدت إبنتي الحجاب، تكلمت معها وقلت لها هيجي يوم وترجعي، وعندما يمتلىء إيمانك، تعرفي إن ده لا دخل له بالله، وعندما عادت ورفعت الحجاب، رفعته دون أن يؤثر عليها أحد، وبعد قراءة طن من الكتب في هذا الموضوع وهي الآن غير محجبة، والحكاية أن الإنسان حر حقيقى مفيش أي ضغط معنوى غير سوى يؤثر عليك"
حلا شيحة ووالدها

رأي حلا شيحة في الحجاب
كانت الفنانة حلا شيحة قد أوضحت في وقت سابق خلال حوارها مع قناة «CutheCrap» على موقع يوتيوب رأيها في التخلي عن الحجاب، وقالت أن الحجاب ليس الأساس في الدين، ولم يذكر في أول آية في القرآن، وذكر في المنتصف، وتحديدًا في سورة النوروقالت وقتها "ربنا رحمن رحيم، بدليل أننا نقلع الحجاب ولا يعاقبنا ويسامحنا.. ربنا بيحب الحجاب، بس ده مش الأساس".

حلا شيحة بالحجاب
وعن ارتدائها الحجاب لأول مرة، قالت الفنانة حلا شيحة "البني آدم حاجتين (روح وجسد)، كنت حاسة بكل حاجة من بره، وكنت محتاجة الحتة اللي جوه، فكرة الصلاة والقرآن حاجة حلوة، وملهاش علاقة بالحجاب والتدين، كنت طول الوقت بدور على حاجة حلوة ومش لاقياها، أول مرة أحس إني بكلم ربنا في الوقت ده.. حبيت الصلاة بزيادة، وبدأت أقرأ قرآن، وإداني راحة نفسية غير طبيعية، وحسيت إني مش قادرة أكون في حاجتين، وشعرت بأن تواجدي في المجال الفني غير صحيح، وده كان غلط وكان لازم أوازن".
ثم تابعت حلا شيحة قائلة "ربنا مش عايزنا شبه بعض، عايزنا نكمل بعض، الورود في الشجرة الواحدة مختلفة الألوان، وصوابعنا كمان مش زي بعضها، أنا مش شيخ عشان أخليني لابسة الحجاب أنا بني آدم، وإحنا بنربي أبناءنا على مفاهيم خاطئة قائمة على الخوف من الله والعقاب، وعلينا تربيتهم على حب الله والتقرب منه" مضيفه " الناس اللي بتنتقدني عشان خلعت النقاب والحجاب، مش بيطبقوا سنة النبي، ولا طريقة تعامله مع الناس ولا روحه في التعامل، النبي كان رحمة في كل حاجة، إنما الناس هاجموني بشكل جرحني، ده سيدنا محمد ربنا أرسله رحمة للعالمين".
وانهت حديثها قائلة "محدش يقدر يحكم على أي حد وعلى درجة قربه من الله، ده ربنا نفسه مش بيعمل كده، يعني من رحمة ربنا علينا إننا مش شايفينه، عشان لو كنا شايفينه كنا هنخلينا ماشيين خايفين طول الوقت، ربنا رقيب علينا طول الوقت، بس إحنا مش شايفينه ودي رحمة منه".
حلا شيحة وعودتها للحجاب
كان الظهور الاول للفنانة حلا شيحة بالحجاب بعد عودتها للفن في فبراير الماضي بعد زواجها من الداعية معز مسعود
حيث بدأت تظهر لها تصريحات مختلفة عما قالته عن الفن بعد عودتها له حتي انها في يوليو الماضي أثارت جدل واسع بعد إعتراضهاعلى عرض كليب أغنية "بحبك"، من فيلم "مش أنا"، الذي شاركت في بطولته مع الفنان تامر حسني.
وبدأت الأزمة مع نشر الفنانة حلا شيحة عبر صفحتها في موقع "إنستجرام"، تعليق كتبت: "أنا اتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة أيام مباركة وخصوصاً بعد آخر بوست نزلته ووضحت فيه أنا إيه".
وتابعت: "اتفاجئت أكتر خصوصا ًبعد وعد تامر حسني ليا وتأكيده أنه ح يحترم رغبتي وبعض الطلبات اللي طلبتها منه بكل احترام وود الصيف اللي فات وأكد لي أنه ح يحترم رغبتي".
حلا شيحة ومعز مسعود
وأضافت حلا: "إحنا يمكن نجحنا بمقايس الدنيا بس صدقوني بمقياس ربنا إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح".
واستكملت: "بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر بس المصيبه اننا بنغفل وبننسى".
وتابعت: "أنا مش حتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة إن ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلا، علشان النجاح الحقيقي حاجة تانية خالص إحنا أغلبنا ناسينها إلا القليلين، الفن لو بيخلينا نبعد عن منهج ربنا ومتبقاش قدوة لولادنا يبقى باطل وميبقاش فن"
حلا وتامر حسني

للاطلاع على أبرز وأهم الأخبار والأحداث يرجى الاشتراك بالصفحة الرسمية لموقع صوت الأمة.. أضغط هنا