بعد أزمة فيلم «مش أنا».. عدد المرات التي تصدرت فيها حلا شيحة التريند

يتصدر العديد من النجوم محركات البحث على جوجل لعدة أسباب، فحدوث أمر جديد ومختلف بحياتهم الشخصية والمهنية أو بسبب منشوراتهم المثيرة للجدل على مواقع التواصل الاجتماعى، ونستعرض فى الموضوع التالى أبرز المرات التى تصدرت النجمة حلا شيحة محركات البحث.
تصدرت الفنانة حلا شيحة محركات البحث عند اعتزالها للتمثيل وعودتها إليه أكثر من مرة وقد اعتزلت الفنانة حلا شيحة الفن عام 2006 بعد عمل فيلم كامل الأوصاف وقد عادت إليه بعد مرور أكثر من عشر سنوات، كما عملت على إثارة الجدل بالظهور بإطلالات جريئة بعد خلع الحجاب، ثم عادت من جديد للحجاب والتفكير بالاعتزال بعد أدائها فيلم مش انا.
كما تصدر زواج الفنانة حلا شيحة من الداعية معز مسعود منذ خمسة أشهر محركات البحث، خاصة عند ظهورها بالصور، وهى مرتدية الحجاب.
اقرأ أيضا أهم المحطات في حياة حلا شيحة.. بعد تصدرها محرك البحث
وعادت من جديد لتصدر محركات البحث اليوم، بعد نشرها لبوست على حسابها الشخصى بموقع إنستجرام تفيد تبرؤها من فيلم "مش أنا"، والمشاهد الرومانسية التي تضمنته.
وقالت النجمة: "أنا اتفاجئت جدًا بنزول كليب يجمع فيه مشاهد متفرقة من الفيلم وفي أيام ذي الحجة أيام مباركة، وخصوصًا بعد آخر بوست نزلته، ووضحت فيه أنا إيه".
اقرأ أيضا تامر أمين ل "حلا شيحا": حيرتينا (فيديو)
وتابعت: "اتفاجئت أكتر خصوصًا بعد وعد تامر حسني ليا، وتأكيده إنه حيحترم رغبتي، وبعض الطلبات اللي طلبتها منه بكل احترام وود الصيف اللي فات، وأكد لي إنه هيحترم رغبتي".
اقرأ أيضا الجمهور يسخر من زواج معز مسعود.. "نفس البدلة والفندق لكن العروسة مختلفة" (صور)
وأضافت حلا: "إحنا يمكن نجحنا بمقاييس الدنيا بس صدقوني بمقياس ربنا إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح".
واستكملت: "بتكلم من قلبي الكليب ده ميرضيش ربنا وأنا عيطت؛ لأني شفت نفسي في المشاهد دي، دي كانت زلة نتيجة ظروف مريت بيها، وكلنا بنغلط، ولازم نغلط، علشان إحنا بشر، بس المصيبة إننا بنغفل وبننسى".
وتابعت: "أنا مش هتكسف من حد، أنا تبت من المشاهد دي، وهي لا تصح، وأنا غلطت، وبصلح، وأهم حاجة إن ربنا يرضى عني؛لأن في الآخر ده اللي هينفعنا مش الشهرة، ولا النجاح لا هو مش نجاح أصلا؛ علشان النجاح الحقيقي حاجة تانية خالص، إحنا أغلبنا ناسينها إلا القليلين، الفن لو بيخلينا نبعد عن منهج ربنا ومنبقاش قدوة لولادنا يبقى باطل وميبقاش فن".
ووجهت رسالة للفنان تامر حسني قائلة: "إحنا كلنا عندنا امتحان في الدنيا دي، وحابة أفكرك بالفيديو ده يا تامر اللي قلت فيه أنا مش بتمنى أموت، وأنا مطرب أنا دايما خايف من كده، كلام أكيد قلته في لحظة صدق جواك وجوانا كلنا".
واختتمت حديثها قائلة: "كلنا بنغلط بس المهم في الآخر نتدارك الغلط ونصلح، {إِلَّا مَن تَابَ وَءَامَنَ وَعَمِلَ عَمَلا صَٰلِحا فَأُو۟لَٰۤىِٕكَ يُبَدِّلُ 0للَّهُ سَئَِّاتِهِمۡ حَسَنَٰتࣲۗ وَكَانَ 0للَّهُ غَفُورا رَّحِيما}.. الله على كلام الله، وجماله يا سلام لو أصواتنا ومواهبنا كلها نستعملها في الخير عشان يبقى فن بجد"