هند عاكف بعد أزمة منعها بمهرجان القاهرة: فنانات كتيرة كانت لابسة فساتين مستفزة وفيها إثارة

كشفت الفنانة هند عاكف تفاصيل منعها من دخول حفل افتتاح الدورة ال 44 ل مهرجان القاهرة السينمائي الدولي، بسبب أزمة فستان هند عاكف، وقالت هند عاكف خلال لقائها ببرنامج 'نص الكلام' مع الإعلامية راغدة شلهوب 'أنا بلبس حاجات غريبة بس مبأذيش حد علشان أبقى بخالف الدريس كود والدريس كود على عيني وعلى راسي بس لو اتبعتلي دعوة واتطلب مني عدم مخالفته، لكن أنا جيت ليه تحرجوني'.
تصريحات هند عاكف
وأضافت حول أزمة فستان هند عاكف: 'والمهرجان ده لو مهرجان خاص لو قطعتي رقبتي ما كنتش روحت من غير دعوة لكن ده مهرجان بلدي دي مش حفلة واللي حصل معايا ده إساءة وماكنش يجب إنه يحدث أبدا، وبطالب أستاذ حسين فهمي لازم ينتقى الكشف بتاع المدعوين ومين الناس اللي تستحق وعلى رأسهم الفنانين وبعد كده أي حد تاني'.
وتابعت هند عاكف: 'ولو هما مرضيوش يبعتولي دعوة علشان لبسي ففي ناس كتير كانت لابسة فساتين كتير مستفزة وفيها إثارة والشارع مش بيحبها منهم الفنانة سلمى أبو ضيف وهبة السيسي وأكتر من حد تاني والبلوجر بيروحوا علشان يتصوروا على الريد كاربت مش علشان شغل لكن أنا بحضر الأفلام علشان أتعلم لغاية النهاردة'.
أزمة هند عاكف في مهرجان القاهرة السينمائي
وأثارت الفنانة هند عاكف الجدل، بسبب أزمة فستان هند عاكف، على السجادة الحمراء بمهرجان القاهرة السينمائي الدولي، بعدما حاول المنظمون منعها من الدخول بسبب ارتدائها فستان مخالف للتعليمات.
وأُسدل الستار يوم الثلاثاء الماضي على فعاليات مهرجان القاهرة السينمائي الدولي بدورته ال 44، بحفل الختام في تمام الساعة 7 مساءً، وحضر عدد كبير من نجوم الفن والإعلام، وشهد الختام الإعلان عن جوائز المهرجان، في مختلف المسابقات سواء المسابقة الدولية، ومسابقة آفاق، ومسابقة أسبوع النقاد، ومسابقة الأفلام القصيرة، وغيرها.
وانطلقت الدورة ال 44 من مهرجان القاهرة السينمائى الدولى، في حفل كبير أقيم على المسرح الكبير بدار الأوبرا المصرية، بحضور وزيرة الثقافة المصرية الدكتورة نيفين الكيلاني وحشد كبير من نجوم الفن وصناع السينما والإعلاميين وتكريم عدد من الشخصيات السينمائية الهامة وهم المخرج والمؤلف والمنتج المجري بيلا تار بحصوله جائزة الهرم الذهبي لإنجاز العمر.