إسكندرانية ب 100 راجل.. مفيدة شيحة تُشيد برحمة فتاة «الدليفري»

خصصت الإعلامية مفيدة شيحة، في برنامجها الستات، المذاع عبر قناة النهار وان، مساء اليوم الاثنين، فقرة عن رحمة أحمد المعروفة إعلامياِ ب فتاة دليفري الإسكندرية.
وخلال الفقرة قالت مفيدة شيحة، إنه انتشر بالأمس على السوشيال ميديا تداول صور وأحاديث لرحمة أمين أحمد المعروفة إعلامياِ بفتاة دليفري الإسكندرية، اعجاباً بكفاحها وتشجيعاً لها واتخاذها نموذج وقدوة لفتيات هذا الجيل لأنها إسكندرانية ب 100 راجل.
وأضافت شيحة، أن البنت الجدعة دي بتقول انها تعرضت للتنمر وكلام من الناس سخيف و مكنش بيشجعها على اللي بتعمله.. وهي في سنها الصغير دا ومن غير كلام كتير وتضييع وقت فهمت بفطرتها وعقلها ان مفيش فايدة من الكلام دا.. عملت اللي مصدقة إنه صح وفي مصلحتها و كملت ومهمهاش. فبقت قدوة..!
وتابعت شبحة: 'المقياس في الحياة ايه رضا الناس عنك؟ و لا اد ايه اللي بتعمله خير او شر؟ و لو النجاح هو الأهم مهم بردو أنت بتختار تنجح في ايه و إزاي'.
وأكملت شيحة: 'لو معندهاش أي فرصة للنجاح او للشغل اشتغلت زي مهي بتقول ( بصحتي) مشي على رجليها بتوصل طلبات.. كم واحد يائس دلوقتي وفقد الأمل في المحاولات من مدة شاف رحمة؟. حسيت بإيه قصاد تجربة بنت في بداية حياتها بتساعد نفسها وتشتغل و هي بتدرس.. و في الحقيقة هي بتساعدنا كلنا اننا نعرف ان التعب نفسه نعمة!'.
وأضافت شيحة: 'رحمة بتقول لكل بنت بشغلها و إيمانها بنفسها اعملي نفسك بنفسك.. حتى لو الظروف صعبة لو محدش وقف جنبك من بدري اقفى على رجليكي و علمي نفسك و اشتغلي اتعبي و اتعلمي اكتر وهتطوري كل يوم و هتنجحي.. بدون شك!'.
واختتمت شيحة: 'رحمة بنت عندها 20سنة.. وبتدرس في كلية التجارة سنة تالتة.. و اختارت تشتغل في توصيل الطلبات لأن طبيعة الشغل دا بيسمح لها تتحكم في وقتها أحسن وتقدر تختار امتى تشتغل وامتى تذاكر'.