شريف عامر في مرمى السوشيال ميديا بعد استضافته صاحب كليب «شيماء».. وناشط: "أهم حاجة المشاهدات والترند"

حملة هجوم واسعة تعرض لها الإعلامي شريف عامر مقدم برنامج "يحدث في مصر" عبر فضائية "إم بي سي"، منذ استضافته ل"يوسف سوستة"، مؤدي كليب "شيماء"، حيث اعتبر رواد مواقع التواصل الاجتماعي أن استضافته لمثل هذه النماذج رسالة تدمير للأجيال -على حد قولهم.
وكتبت إحدى رواد موقع "فيسبوك" عبر صفحتها: "أحد المشاهد البائسة من حياتي.. من أكتر من سنتين شوفت استاذ شريف عامر في أحد الموتمرات الكبيرة.. وأنا بحب اسلوبه ويحترمه جداً ووقتها طلبت منه انزل مراسلة عنده في البرنامج لو في فرصه واخذت رقمه الي كان بمعاناه وكتبته وقتها على منديل عشان الموتمر ده التليفونات كانت ممنوعه ومكنش معايا وقتها اي حاجه غير منديل وقلم لقيته بصعوبه، قلتله أنا بقالي 4 سنين في المجال ده وأنا مجتهده واشتغلت في كذا وكذا وبلاب بلاب وتمام اخدت رقمه وكلميني.. وبعدها كلمته ورد عليا قولتله انا كذا الي قابلت حضرتك في مؤتمر كذا وكان محترم وقالي ابعتيلي الCV وكلميني يوم كذا فبعتهوله وجيت اكلمه يوم كذا بمنتهى الامل لقيت busy number كل شويه بعتله على الWhat app لقيته عملي بلوك فعلا".
حالة الطقس اليوم الجمعة 3/12/2021.. انخفاض درجات الحرارة على كافة أنحاء البلاد
الصحة: تسجيل 919 إصابة جديدة بفيروس كورونا.. و57 حالة وفاة
الأرصاد تكشف مفاجآت عن الأحوال الجوية لطقس السبت 4-12-2021: أمطار ورياح مثيرة للرمال
وأضافت: "أنا لسه بحترمه والله عادي مش بالعافيه هيشغلني ودي حاجه بتاعت ربنا .. وممكن اكون بالنسبة له مش مناسبه ومحبش يحرجني
أنا بس بيتحرق دمي لما اشوف الناس الي متعبتش في حياتها ب2 جنيه سواء الولد الي بيغني او الناس الي بتعمل محتوى سخيف عشان تفرقع وتبقى تريند وفي الاخر بتاخد فرصتها الاعلاميه وبيتعمل ليها سعر وبتكبر وبتنهال عليها الفرص وبنرجع نقول ليه عملتوا لل—- سعر ؟ لا والنبي ؟!.. ربنا يوفقك يا سوسته ويكرمك وتعمل حاجه فعلاً كويسة الفترة الجاية وده مش نفسنه عليه ولا علي الي زيه ، بس بردو مش عدل".
وكتب آخر: "شكرًا إعلام مصر.. احنا وصلنا لقمة الانحطاط، أستاذ ⁦‪شريف‬⁩ ⁦‪عامر‬⁩ إلي بيقدم برنامج توك شو، ساب كل المواضيع إلي الناس بتعاني منها ليلًا نهارًا وأستضاف عيل ملوش أي ستين لزمة عامل مش عارفة ايه ده أصلا والله تحت أي مسمي "اسمه شيماء"..مجهود عظيم وجبار أستاذ ⁦‪شريف‬⁩.. رسالة تدمير الأجيال وصلت".
وأوضحت إحدى المشاهدات للحلقة عبر صفحتها بموقع "فيسبوك": "طول عمري بحترم جدا الاعلامي شريف عامر وبحترم حياديته وأسلوبه المحترم في تناول القضايا المختلفة.. وواثقة انه اكيد مغصوب على اللقاء ده وان القنوات لها سياسة معينة عشان رفع نسبة المشاهدة.. أهم حاجة المشاهدات والاعلانات والترندات".
وتعرض الإعلامي شريف عامر لحملة هجوم كبيرة على خلفية استضافته ل"يوسف سوستة"، صاحب الكليب الأكثر جدلا خلال الأيام الماضية "شيماء"، الأمر الذي جعل "عامر" يخرج عن صمته ويدافع عن نفسه.
وكتب شريف عامر عبر صفحته بموقع "تويتر": «ببساطة ؛ مصر 100 مليون.. فيها كل حاجة.. نفهم، نشوف، نقرر، ونعالج بدون ترفع وتجاهل، لأننا لا نملك منعا ولا حظر في عصر له أدوات جديدة لا أوراق اعتماد فيها.. شخصية تتحول لعنوان ساعة، وتختفي أو تستمر.. كل المختلف معي له الحق في ذلك.. أنا كمان لي حق الاختلاف معه.. تحياتي وتقديري للجميع».
وكتب عامر في تغريدة أخرى في تغريدة أخرى على تويتر: «علشان فيه ناس أعصابها مشدودة جدا + بعض التعالي + تجاهل لسمات عصر مختلف + لم يروا الحوار ولا يعرفوا طبيعته من الإساس .. ولأن الموضوع أبسط من كل هواجس المؤامرة الكونية، أتمنى للجميع بعض الهدوء، وأعيد التذكير».