مؤسس "أمهات مصر": المعلم الذي يعتدي علي طالب إنحرف عن دوره التربوي وقام بعمل إجرامي.. ومعلمين: "مفيس مره تتكلموا عن المرتبات المتدنية ومرتمة المعلم؟"

طلب إحاطة للبرلمان يتضمن حبس المعلم الذي يعتدي علي الطالب يتسبب في جدل بين أولياء الأمور والمعلمين

تسبب طلب إحاطة للنائب فايز بركات عضو لجنة التعليم بمجلس النواب، للدكتور طارق شوقي وزير التربية والتعليم، حول مواجهة ظاهرة ضرب المعلمين لطلاب المدارس، متضمناً توقيع عقوبة الحبس التي تصل ل 10 سنوات، في حدوث جدلاً بين أولياء الأمور والمعلمين.
وقالت عبير أحمد مؤسس اتحاد أمهات مصر للنهوض بالتعليم، إن المعلم الذي يقوم بضرب الطالب ويسبب له إصابات في جسده وحدوث عاهه فيجب فصله من الخدمة، وتحويلة للنيابة العامة وتوقيع عقوبة الحبس، وذلك لأنه إنحرف عن دوره التربوي وقام بعمل إجرامي جنائي، مناشده جميع المعلمين بضبط النفس واحتواء الطلاب.
وفي المقابل، شددت عبير علي معاقبة الطالب المخطئ بأسلوب تربوي وتوقيع الجزاءات المنصوص عليها في اللوائح والقوانين، مناشده أولياء الأمور بتوعية أبنائهم والتأكيد علي احترام المعلم والإنضباط داخل المدرسة، مقدمة التحية لأغلب المعلمين الذين يقومون بعملهم بكل جهد وإخلاص وفي ظل هذة الظروف الصعبة، مؤكدة أن دورهم وطني في المقام الأول.
وشهدت صفحة اتحاد أمهات مصر للنهوض بالتعليم، علي الفيس بوك، جدلاً واسعاً بين اولياء الأمور والمعلمين، حيث قالت ولي أمر: "الضرب مش عقاب تربوي، دا تعذيب، والمدرس اللي مش عاجبه سلوك طالب يعمله انذار واستدعاء ولي أمر، انا عندي يفصل ابني وميمدش ايدوا عليه، محدش يسمح لحد يمد ايده علي ابنه، المدرس اللي بيضرب بتبقي نفسيته مريضه، والناس اللي بتقول احنا انضربنا احب اقولهم سيدنا علي بن ابي طالب لما قال -لا تربوا ابنائكم كما ربيتوا فأنهم خلقوا لزمان غير زمانكم- واللي ينضرب عمره ما هيكون قائد أو شخصية أو مبدع"، ورد عليها أحد المعلمين قائلا: "وليه مش بتقولوا الكلام دا أما يحصل تعدي علي المعلم ولا يتحرش طالب بمعلمه؟".
وأضافت ولي أمر أخري:
"انا مع تغليظ العقوبه، كأن المدرس بيفرغ الكبت والغضب اللي عنده فى الولاد"، فرد أحد المعلمين: "مفيش غير المعلم في السلبيات بس؟، مفيش مرة تتكلمي عن المرتبات المتدنية والقوانين اللي مش موفرة ادنى حد من الكرامة للمعلم، الواحدة فيكم معاها عيلين ومش طايقة نفسها منهم واحنا بنتعامل مع 80 و100 طالب في الفصل، ووقت ما الواحد يغلط الكل يتنطط عليه دي بقيت حاجة تقرف خنقتونا".
واستكملت ولي أمر: "انا من الأمهات اللي متعقده من المدارس واللي بيحصل من بعض المدرسين المعقدين نفسيا، وأنا مع تغلظ العقوبة بالحبس"، واتفقت معها في الرأي ولي أمر أخري: "ياريت والله، الموضوع زاد اوي عن حده".