حمادة صابر المسحول

مكنش والله العشم أملى يضيع منى
وثورتى تتسرق وتروح بعيد عنى
وأشوف حمادة الضعيف وسط الضباع عريان
وأشوف حكومة الفشل عشمانه تحكمنى
...
مكنش عشمى أشوف حمادة صابر مّهان
قدام جميع البشر وحكومة الاخوان
مكنش عشمى اشوف وطنى فى ايدين قاسيه
ولا حماده اسير الظلم والبهتان
...
مكنش عشمى أشوف الظلم باسم الدين
ووزير يقولى كفاية كل يوم رغيفين
وأشوف حمادة بيصرخ فى الطريق عريان
صُراخه عرّى حكومة كلها فاشلين
...
مكنش عشمى اشوفك ياوطن حيران
ما بين فلول النظام وجماعة الخذلان
بعد (جمال) و(السادات) و(عمرو ابن العاص)
دار الزمان وابتلانا بعصبة التوهان
...
كان عشمى بعد النضال والثورة نتقدم
ومن تجارب الفشل فى الماضى نتعلم
وماشوفش تانى حمادة فى الميدان بلبوص
وكل نقطة فى دمه طالعه تتألم
...