نفسى

نفسى ياناس اتسطل واغيب عن الواقع
وأبقى مدهول ولا شايف ولا سامع
ولا دارى مصر الحبيبه ضايعه منى ليه
ولا إيه بيحصل لها فى البيت وفى الشارع
نفسى ما أحسش بمصر بتتسرق منى
وجيش وحوش مفترس خدها بعيد عنى
وكل باشا وأخوه عاكم على كرسى
وكل حوت مفترس فعله مجننى
نفسى اشوف العدالة فى مصر قبل ما اموت
وأشوف فلان كان رئيس سابق عليه يفوت
يرمى عليه السلام وأقوله كيف حالك
وما اشوفش حارس وراه شايل متين نبوت
نفسى ونفسى ونفسى واللى فى نفسى كتير
اعيش زمان محترم فيه الأمل والخير
وفيه تداول كراسى وفيه للعدل باب عالى
وماشوفش تانى الحكومة فاتحه سوق طراطير
sayedelhamshary@gmail.com