أيمن بهجت وتامر عاشور وخالد تاج يعلقون على أحداث الاتحادية

علق عدد الشعراء والفنانين على أحداث الاتحادية بالأمس، على صفحتهم الخاصة على "فيس بوك"، حيث كتب الشاعر أيمن بهجت قمر على صفحته، "كان واضح أوى إن الأحداث ستتطور عند الاتحادية، خصوصاً بعد ما ظلموا المتظاهرين وافتروا عليهم المرة اللى فاتت لما قالوا الناس اقتحمت القصر وكسروه، وأنا كنت هناك يومها وفعلا الكلام ده ماحصلش.. العيب على مرسى اللى مابيسمعش للطرف الآخر، خليك كده إعند حسبى الله ونعم الوكيل".
أما الفنان تامر عاشور فقد كتب على صفحته "كالعادة.. كله ركز فى المولوتوف والشرطة عملت إيه والمتظاهرين عملوا إيه مع الشرطة ومين اندس وكام حالة إصابة والشرطة بتتعامل إزاى.. ونسينا أهداف اليوم أساسا وزى كل جمعة (الشعارات مرفوعة والمنصات منصوبة والأهداف مكسورة).
وكتب الشاعر خالد تاج الدين على صفحته، "ابن واحد صاحبى 10 سنين بيقوللى هى الثورة دى مش علشان وﻻدكوا وإحنا وﻻدكوا وزهقنا من الدمار والخراب ده.. هما كانوا بيكدبوا علينا وﻻ إيه.. قلتلوا بص يا حبيبى هى شكلها اتعملت علشان وﻻدكوا انتوا، ولو برضو ماشفوش خير يبقى علشان وﻻد وﻻدكوا".