سمك لبن تمر هندى

كان أحلى ما فيكى يا بلدى وَنس
وعيون سهرانة حواليكى حَرس
وضحكة صافية تجلجل جَرس
حوارى فيها من كل صنف ودين
متجمعين على طبلية واحدة ازاى
قاعدين فالعصارى مع الفناجين
متأنسين مستنيين لما يغلى الشاى
والسهرة تحلى على صوت الناى
والقمرة طالعة والليل يطول
واللمة بدرى على عربية فول
كان أحلى ما فيكى يا بلدى الأصول
والشهامة والجدعنة وولاد البلد
مجنونة يا قوطة ومعسل يا ولد
كان فيكى صَفا جوه النفوس
وشفا وخميرة يا عرقسوس
وقفشة ونكتة وكفك يا عم
وحلاوة وشقاوة وخفة دم
كان أحلى ما فيكى قلب يٌِضم
كان ليا فيكى يا مصر أُمُ
ُضمى عيالك تانى ف حضنك
ده احلى مافيكى يامصر طيبتك
دى خلطه عجيبه فيكى يابلدى
معجون بيها طينك وزرعك وارضى
دايبة ففاطمة وجرجس وعبده افندى
والعنبة طالعة فوق زرعة يوستفندى
والتوتة زرعها عندك ونبتها عندى
سرها منقوش على ورقة بردى
شعب دايب فبعصه وده سر التحدى
ده أحلى مافيكى يامصر إنك.....
سمك على لبن على تمر هندى