وابتدا المشوار

100 يوم خلاص ابتدت = والشعب بدأ العَدْ
إمتى الأمل يصحى؟! = ينده يلاقى الغدْ
فيه ناس كتير أشرار = عايزه الطريق يتسدْ
عايزه الضلام يرجع = والثوره دى تتهدْ
ربك كريم ستار = والحلم راح يتمدْ
يملا البلد بساتين = يطرح ورود ع الخدْ
طول ما العَرق ويَّانا = إخلاص نوايا بجدْ
نلقى المراد يتحقق = والخير يفوق الحدْ
ونبدأ بعون الله = ضهر العمل يتشدْ
100 يوم خلاص ابتدت = ومعانا ابتدا المشوارْ
عايزين نشوف حلمنا = شموس فى قلب نهارْ
يطرح ورورد بساتين = نلقى الجفاف أزهارْ
نمحى جراح أحزانا = تلاتين سنه فى مرار
فيه ناس كتير حاقدين = عايزين الوعود تنهارْ
عايزين الخطط تفشل = ثوره تضيع فى مدار
إمتى المراد يتحقق؟! = نلقى المكن دوَّار
نشوف الأمان بعيونا = وبلدنا تبقى عمارْ
والنهضه تبقى حقيقى = مش بس تبقى شعارْ