حسن الرداد يكشف كواليس العمل مع إيمى سمير غانم فى "عقبال عندكوا"

كشف الفنان حسن الرداد كواليس العمل مع إيمي سمير غانم في مسلسل "عقبال عندكوا" وذلك في تقرير مصور من لوكيشن تصوير المسلسل عبر برنامج "كلمة أخيرة" الذي تقدمه الإعلامية لميس الحديدي والمذاع على شاشة ON.
وقال حسن الرداد:" إن المسلسل بيتكلم عن حاجة بتتكلم عليها الناس طوال العمر وهى العلاقة بين الراجل والست اللى فيها وجهات نظر مختلفة والستات شايفين إن الرجالة غلطانين فى حاجات، والرجالة شايفين إن الحاجات دى هما صح فيها".
أضاف حسن الرداد:" بحب اشتغل مع إيمى، وفى كيميا كبيرة بينى وبينها فى الشغل، وهى ممثلة موهوبة وكوميديانة من الطراز الأول، وبرتاح وانا بشتغل معاها، والجمهور وشركات الإنتاج دايما بيطالبونا بتقديم عمل مع بعض، ويارب المسلسل يعجبكم".
مسلسل عقبال عندكوا يشارك فى بطولته إلى جانب إيمى سمير غانم وحسن الرداد كل من: محمد ثروت، إنعام سالوسة، عارفة عبد الرسول، علاء مرسي، وحجاج عبد العظيم، ومن تأليف أحمد سعد والي وعلاء حسن وإخراج علاء إسماعيل ومن إنتاج أحمد السبكي، والعمل يُعيد ثنائية إيمى سمير غانم وحسن الرداد على الشاشة الصغيرة بعد 7 سنوات من آخر عمل جمعهما فى الدراما وهو عزمى وأشجان.