قال الدكتور على جمعة مفتى الديار السابق، إن هناك أسئلة تجول في خواطر الصغار والكبار، وكل منا يتلقاها في بيئته وثقافته وعلمه، بعضها يسبب الحيرة وبعضها الآخر يسبب الاطمئنان والأمن، مبينا أن من ضمن هذه القضايا هي قضية الإله، من خلق الكون؟، وكيف خلق الكون؟، ومتى خلق الكون؟، ومن هو الله؟، وما هي صفاته جل وعلى؟. رد الدكتور على جمعة مفتى الديار السابق، خلال برنامج "نور الدين" المذاع عبر قنوات المتحدة، على سؤال طفل، العرش معمول من إيه واتعمل ليه؟، فقال "جمعة": في الشريعة مقالوناش المادة اللى معمول منها العرش، لكنه معمول من لؤلؤ مرجان ذهب فضة وجواهر ألماظات زمرد.. يعني معمول بطريقة مبهرة، يعني اول ما تشوفه كده تشعر إنك قدام حاجة عظيمة جدا وفخمة، وتشعر بنوع من الأمان والخشوع جواك. أما عن أسباب خلقه، فقال جمعة: "ربنا سبحانه وتعالى رسم الدنيا على وضع معين وهناك عالم الأرض حوله مجره وهى مجموعة ضخمة جدا من الكواكب والأرض بتلف والشمس أيضا..الكون منها حاجات لسه مشوفنهاش ..فالكون المرصود اللى احنا بنشوفه 93 مليار سنة ضوئية .. الضوء بيجرى بسرعة قوي 300 ألف كيلو في الثانية الواحدة .. يعني من هنا لمرسى مطروح ناخد ثانية واحدة، والشمس بعيدة قوى والضوء ياخدها في 8 دقايق، اما باقى الدائرة الكونية 575 مليار سنة ضوئية، يعني سدس الكون شايفينه، وخمسة أسداسه لم نراه .. لسه قدامنا كتير ..وربنا بيقول في كتابه: "وَمَا أُوتِيتُم مِّنَ الْعِلْمِ إِلَّا قَلِيلًا"..لما ربنا خلي الكون يلف فخلاه يطوف حول العرش، زى الكعبة كده بنلف حولها تشبها بالملائكة الذين يلفون حول العرش، وربنا عمله مخلوق عظيم جدا ومبهر علشان لما نعرف شأنه نعرف إن الله سبحانه وتعالى قهره واستولى عليه فنسجد لله سبحانه وتعالى". ويعد برنامج "نور الدين"، الذى يعرض على قنوات المتحدة خلال شهر رمضان للدكتور على جمعة، مفتى الجمهورية السابق، أحد أهم برامج الشركة المتحدة، والذى يظهر الأسئلة للمرة الأولى على لسان أطفال صغار، دومًا ما يسألونها لأهاليهم الذين يجدون أنفسهم فى حيرة، من أمثلة فين ربنا، مش بنشوفه ليه، وغيرها من الأمور الذى يقف الآباء أمامها فى حيرة شديدة دون إجابة ما جعل البرنامج محل ترقب سواء للأهالى الذين ينتظرونه لفهم الإجابة الصحيحة، أو الأبناء الذين سيجدون فى البرنامج فهمًا لما يحاولوا معرفته ويثبتهم بصورة صحيحة ما يبنى عندهم وعيًا ويقينًا.
