الرئيس السيسى: استقرار الدول والحفاظ على أمنها لا يخص الحكومة فقط.. وحل مشكلة الدولار من خلال زيادة موارده لتغطى الاحتياجات والأزمة الحالية لها حلول.. وهروح من ربنا فين لو قفلنا معبر رفح فى وجه مساعدات غزة

وجه الرئيس عبدالفتاح السيسي رسائل عدة للمصريين خلال الاحتفال بالذكرى ال 72 لعيد الشرطة:،حيث قال الرئيس: "لكل المصريين.. من كام يوم كنا بنتكلم وقولت أن استقرار الدول والحفاظ على أمنها واستقرار مش أمر يخص الحكومة والقيادة بس.. كل أفراد الشعب.. كل أفراد الشعب مسئول عن أمن واستقرار البلد.
أضاف الرئيس السيسي: "أنا بقول الكلام ده في وقت صعب اوي.. انتوا شايفين المنطقة والعالم في وضع صعب ومضطرب.. وأوضاع قطاع غزة".."اتكلمنا في شهر أكتوبر خلال حفل تخرج دفعة جديدة من الأكاديمية.. وبعد 4 شهور تقريبا بنتكلم في نفس الموضوع..يا تري ال 4 شهور دول عدوا علينا بسهولة في مصر؟!.. احنا كنا بنواجه أزمة كورونا وبعد منها الأزمة الروسية.. ودي أقل حاجة موضوع الملاحة في البحر الأحمر".
تابع الرئيس: "اوعوا تتصورا كمصري زيكم مش مقدر حجم المعاناة والضغوط الاقتصادية اللى موجودة في مصر.. مقدرها كويس ومقدر أكثر صلابة المصريين.. وده مش كلام معنوي.. لا والله..عارف ان الحياة صعبة والظروف صعبة.. والأسعار غالية.. يمكن ربنا أراد نشاهد مشاهد قاسية جدا في قطاع غزة.. 25 ألف شهيد من المدنيين تلتهم من النساء والأطفال.. 60 ألف مصاب.. تدمير كامل للقطاع كله.
وواصل الرئيس:"أنا بقول الكلام بستدعي بيه .. قد إيه إحنا بنواجه ظروف على حدودنا الغربية والشرقية والجنوبية".."اوعوا تفتكروا إن الأمور دي بتعدي بدون تأثير علينا وعلى اقتصادنا.. كل حدث من دول له تداعيات.. يمكن الفيلم عن أحداث 25 يناير.. أتكلم عن صعوبات عن الأحداث .. خلال اقتحام السجون.. ومتنسوش محاولة تقليب الرأي العام على الدولة بشكل بسيط قوي".
أكمل الرئيس السيسي: "أحداث عام 2011 كانت تستهدف أنه يكون الشعب في مكان والحكومة في مكان أخر "ضد بعض".."يعني يبقي احنا وانتوا.. يبقي الشعب في مكان والحكومة في مكان تاني.. الشعب في مكان والداخلية في مكان.. تقليب الرأي العام يقوم بدور سلبي ويحفز ويدفع ويسئ للأجهزة والدولة حتي يقوم الرأي العام مثل في 2011.. واللى حصل للشرطة مش اقتحام سجون.. قعدنا نرمم العلاقة بين الشعب والشرطة والدولة سنتين تلاتة.. ولم يكن أمر يسير وسهل.. محتاج برامج ودعم وصبر".."بقول الكلام لازم دايما صف واحد ومكان واحد وكتلة واحدة.. أي تحدي وصعوبات تعدي علينا ولو احنا مع بعض.. وممكن تعمل مشكلة كبيرة زي 25 يناير لو بقينا احنا واحد كلنا".
ووجه الرئيس بإجراء حوار وطني أعمق وأشمل فيما يخص الاقتصاد قائلا: ""محتاجين نعمل حوار أعمق وأشمل فيما يخص الاقتصاد".."بسمع كتير من المحليين الاقتصاديين بيتكلموا في القنوات وبيكتبوا في الجرايد .. فيه فرق كبير إنك تقول رأي وإنك تنفذ الرأي مع رأي عام .. مع ناس .. مع دولة.. فيه ظروف كتير قوى بتتحط في الاعتبار"..أنا بشغل 6 مليون .. قولولى يا مصريين اللى احنا كلنا في مركب واحد أخلي ده يقفل ويروح ..حد لو هديله 500 جنيه او 1000 جنيه..في حين الراجل اللى شغال في الدولة بيعمل مبلغ أكبر من كده بكتير، وعايش هتقولى بس الدنيا غالية .. بس كلنا نقدر نعيش.. لو نستحمل هنعيش وهنكبر ونتجاوز المشكلة.
واصل الرئيس: ويمكن استغل الفرصة ان احنا في الحوار الوطني اللى اطلقناه من سنتين كان فرصة كويسة قوي ان احنا نتكلم في مواضيع كتيرة جدا سياسية واقتصادية واجتماعية وامنية يمكن..لكن احنا بنتاكد ان احنا هنطلق حوار تاني والحوار الوطني لن يتوقف ومجلس الأمناء هيبقا مسؤول انه يبقا مستمر علشان الحيوية اللى هو حققها خلال الفترة اللى تم فيها اجراء هذا الحوار.
وقال الرئيس:" فيه رؤية طرحتها الحكومة .. شوفوا دايما كان الدولار بيمثل مشكلة كل كام سنة في مصر طيب ليه ؟، الدولة المصرية مش بس الانفاق اللى عملناه أو الحرب ضد الإرهاب..انما بقدم خدمات وببيعها بالجينه واضطر أجيبها بالدولار هديكوا مثال، سلع أساسية بمليار دولار في الشهر قمح ذرة فول صويا طيب بيعه للناس بالجنيه طيب عاوز وقود قد ايه ؟ مليار دولار تاني، شهريا".
وتابع الرئيس: ""النهاردة محطات الكهرباء بتاخد غاز يسوي تقريبا مليار دولار شهريا.. 3 مليارات دولار مش اقدر مش اوفرهم لأنها حاجات أساسية..انا مش داخل في نقاش.. بحاول اشرح لكم حجم التحدي اللى عايشنه حتي من قبل 2011..الأرقام دي إذا مكنتش الدولة المصرية يعملوا على زيادة موارد الدولار وتكون أكثر أو تساوي انفاقنا..اللى بيجلنا من بيع منتجات أو التصدير أو قناة السويس أو السياحة.. لو مش حققنا المعادلة دي هتكون المشكلة دي.. هي دي الحكاية كلها اللى عامله"..
ووجه الرئيس الحكومة بضبط الأسواق، قائلا:""حد يقولي الحكومة والدولة تضبط الموقف في الأسواق.. صحيح وطبعا.. لكم حق وده كلام بقولوا لنفسي قبل الحكومة والداخلية..اللى بنتكلم عليهم مواطنين مصريين.. لما أكون مواطن بكسب كويس اوي وعندي تجارة كبيرة أتصور أني المكسب المناسب يبقي كفاية مش هقوله ضحي..ده كلام مش بالخواطر بتمشي الدول.. الدول بتمشي بالسياسات والقوانين والعمل.
وأوضح الرئيس: ""الأزمة اللى احنا فيها دي لها حلول.. بس صدقوني حلولها تعتمد علينا.. احنا كنا بنستورد ب 4.5 مليار دولار سيارات انت بتروح للبنوك والبنك المركزي عاوز افتح علشان اجيب ده وده..الدولة المصرية حاليا 106 مليون بالمناسبة ومطلوب توفرها كل شيء.
وقدم الرئيس الشكر والاحترام للمصريين قائلا: "أولا اسجل احترامي للمصريين انا بحلف بالله.. بحلف بالله.. تقديري لهم.. وبقول للمواطن الغلبان والبسيط بسجل احترامي وتقديري للجميع". .."مصر أمانة يا مصريين.. كل حاجة تهون إلا بلدنا..يعني مش هناكل ونشرب؟.. غالية ومش متوفرة ايه يعني..ربنا مدينا مثال حي لناس في قطاع غزة مش عارفين ندخلها الأكل الأساسيات شوية قمح ودقيق وزيت علشان لقمة عيش.
أضاف الرئيس السيسي: "بالمناسبة كنا بندخلها قبل الأزمة الحالية 600 شاحنة لغزة يوميا.. احنا مش وصولنا في أعلي تقدير إلى 200 – 220 شاحنة.. طب الناس دي عايشة ازاي"..الدولة المصرية لم تغلق معبر رفح على الإطلاق من أجل منع دخول المساعدات إلى قطاع غزة.."بقول الكلام ده.. اتقال كلام كتير علي أن مصر هي السبب هقول كلمة صعبة أنا هروح من ربنا فين ولو انا السبب مش أني ادخل لقمة عيش لغزة.. اروح من ربنا فين؟..معبر رفح مفتوح على مدار 24 ساعة في 7 أيام في 30 يوم...الإجراءات اللى بتم من الجانب الأخر "إسرائيل" علشان نقدر ندخل الحاجة وده شكل من أشكال الضغط على القطاع علشان وسيلة من وسائل الضغط.."لا يمكن ولازم تكونوا متأكدين من كده.. ولا بيان هيئة الاستعلامات ولا الخارجية والداخلية ولا المخابرات العامة.. احنا مش بنعمل كده".
تابع الرئيس: "كنت بتكلم من شوية قبل ما ادخل مع الضيوف بقولهم انتوا عارفين يعني ايه نخسر اكتر من 450 مليار دولار في أحداث 2011و 2012 و 2013..عارفين يعني ايه نواجه الإرهاب ونتكلف اكتر من 120 مليار جنيه...هي الأمور دي احنا دولة مش غنية ولا وحاجة مواردنا متستحملش صدمات زي دي ودولتنا متستحملش صدمات لان معندناش موارد تهدر بالطريقة دي...لكن مكنش فيه خيار تاني لينا في مواجهة الإرهاب اللى قعدنا نخوض فيه 10 سنوات مكنش فيه سبيل الا احنا نواجهه والا البلد مكنتش تبقا مستقرة ابدا.
أكمل الرئيس: "وكمان يبقا فيه اعتداء هنا وتخريب في المحافظة دي زى ما كمان بيحصل قبل كده، لكن ده بفضل الله تحقق بايه؟ تحقق بتضحيات... فيه فرق إن احنا نقراها وتضحيات الشهداء القوات المسلحة والشرطة وفئات أخرى من المجتمع فرق ان احنا نقول متنسوش واحنا لسه بنكرم 4 من اسر الشهداء ان ده تمن كبير قوي بتدفعه مصر من اجل امنها وسلامتها واستقرارها...طيب الأموال اللى بتنفق في هذا الامر هي ملهاش تأثير على اقتصادنا؟، شوفوا إحنا عندنا ازمة واحدة في الاقتصاد.
اختتم الرئيس السيسي: "" كل حاجة تهون ومن وسلامة مصر وعاوز اقولكم كل اللى مر وبنعاني منه بفض الله وهو يسمع ويرى هينتهي ان شاء الله.. كل سنة وانتم طيبين يا رب احفظ بلدنا واحميها واكفيها من فضلك شكرا جزيلا والسلام عليكم ورحمة الله"